【撑小店】杜汶泽贴文撑鱼蛋小档 被领展迫结业再重开
撰文： 何志衡
出版：更新：
香港地连食碗地道鱼蛋都好难，大埔冬菇亭出名卖鱼蛋粉嘅广成面家，今年2月情人节前因拒绝接受领展无理要求而被迫结业，最近才搬址再开舖。一向撑小店的杜汶泽即刻去帮衬买鱼蛋，仲喺fb贴文闹领展无良，恶过老黑……
杜汶泽厨艺了得系人都知，估唔到佢买碗鱼蛋粉都要自己加料，佢今日喺大埔广成面家新址买咗碗剩鱼蛋鱼片返屋企，竟然自己配上鱼汤、米粉同菜心，变成一碗鱼汤鱼蛋米。
杜汶泽同时写咗几句感想：“无良领展迫害小店系列之人人头上一片天，宝乡街上有广成！”
“人地（哋）老老实实做鱼蛋，你就话人无创意，要人攞两三球出泥（嚟）装修，真系恶过老黑…”
“依家人地（哋）开街铺（舖），唔使比你摙住个X。嗱，我就觉得好好食！好有鱼味！”
点解杜汶泽咁撑呢间小店呢？事缘呢间舖喺大埔广福邨冬菇亭屹立咗31年，但今年初商讨续租时，领展讲明唔能够再做鱼蛋粉生意，卖咗31年鱼蛋叫佢唔好卖？老板王赞强就决定喺2月13日结业。直至6月底至喺大埔宝乡街重开，有段咁嘅历史，唔怪得杜汶泽老远都去帮衬啦！