周启生认闹人为炒作个唱 兼帮是非男歌手降温：我演技系咪攞影帝?

周启生近半年先后批评不同歌手，之前话陈蕾“弹结他甩皮甩骨，唱歌近乎离晒谱咁走音。”再话《中年好声音2》评审杨千嬅“完全没水平”。近日他再称林家谦为“𠮶条废青”，说：“佢返去做幕后我冇问题㗎。又唔见佢幕后有咩条件！”当被林家谦支持者及其他网民围攻后，他再回复：“X你唔起呀？”、“𠮶条咁嘅废柴，我收埋只手用三只手指弹琴弹得好过佢啊！”

然后他再烧埋自己带出身的Joey Tang：“如果我喺度讲一声，Joey Tang有领导才（能），弹结他有天份，但系欠缺努力，所以唔会好叻！你哋可以同返佢讲、睇吓佢敢唔敢博（驳）我！”另外，他亦有说卢冠廷是“吹水友”，“只可以作一啲旋律，并非一个真正音乐家。”

他近日又在社交平台多次提及自己10月1日的《摇滚黄河》Show，5日前发文：“如果揾埋80年代废青嘅代表-Joey Tang 做嘉宾，大家点睇？𠮶班搞屎搞棍嘅记者，又要自打嘴巴啦！PS : 𠮶班妒忌我嘅盲迷，唔使再吠啦，我唔系行出嚟宣传谷个show！我系钟意讲咩就讲，我讲一句嘢几十万人睇到，你哋班狗fans，继续围炉取暖闹我啦，冇人会知㗎！哈哈大笑”他称传媒搞是搞非用尽努力想整衰他、唯恐天下不乱，不负责任地对他作出不合理指控，认为传媒应向他公开道歉。

不过到两日前他态度开始转变，指传媒近日的报道变相帮他免费卖广告，现时他出街都多了靓女跟他打招呼，他又说：“啱啱有几个国内嘅Promoter打嚟揾我做show，唔知会唔会同佢哋嘅宣传有关。”、“我喺度多谢大家一声，我接多咗好多嘢做，要请你哋食饭。细佬发脾气闹你哋系我唔啱，麻烦你哋得闲继续耐唔中就整一个礼拜宣传俾我！感恩感恩，感恩感恩。哈哈大笑 哈哈大笑 哈哈大笑”

而今日（13日）凌晨，周启生指有朋友叫他别介怀负面报道，之前曾拒认炒作的他，大谈自己作为“老江湖”的经历，改口说：“我197几年就喺TVB跟住顾嘉𪸩师傅，喺呢个音乐圈打滚咗50年，其实今次嘅事系我夹埋一班新闻界嘅朋友，一齐炒出嚟㗎。”他指《摇滚黄河》会在国庆演出，明年会进军红馆，并在自己有生之年于国内做足200场。

周启生解释自己炒作的两个原因：“今次嘅炒作一方面可以令到我嘅名气更加大，令一方面可以帮另一位艺人降一降温！我得到嘅益处就系，全中国嘅网站都见到我嘅新闻，国内嘅人大多数都支持我，嚟紧方便安排，我再次喺大陆大展拳脚。如果要俾钱宣传，我估要成千万！一轮扰攘之后，一切变得平静。我反而有一点儿不习惯。而家交返个波比𠮶一位是非缠身嘅男歌手接力啦！哈哈大笑 哈哈大笑 哈哈大笑”他再在留言栏问：“我嘅演技系咪可以攞影帝啊？”

至于“是非缠身”男歌手是谁呢？有人就推测是郑中基，因为对方8月3日发声明与何庆湘中止合作、8月6日发文承认受抑郁困扰，连日来都有很多对其婚姻的揣测。而周启生正是差不多日子因闹“𠮶条废青”而见报。