周启生继续发功闹“废柴” 单手都赢：用三只手指弹琴弹得好过佢
撰文： 林得懿
出版：更新：
音乐人周启生日前在Facebook发起“你最唔要听到佢唱歌嘅歌手！”并欢迎网民列出心目中嘅男女歌手，其中一位网民点名林家谦，随即得到周启生回应话：“𠮶条废青我都麻麻哋钟意！”周启生出PO后一直有回复留言，而今日更在留言区表示：“其实我好想讲一样嘢，呢几年嚟我都不停讲紧。我有个fans唔钟意𠮶个废青歌手，我都唔钟意𠮶个歌手！𠮶个歌手班fans就好唔钟意，我唔钟意佢嘅偶像！我唔钟意某君唔得！佢哋唔钟意我就得！”虽然周启生未有开名所指嘅歌手系边位，但有网名估系曾被佢批评唱功嘅姜涛。
之后周启生更踩场“文人多说话”专页，事关有网民喺专页开帖讨论周启生以废青形容年轻歌手实属无礼，周启生直指网民零幽默感：“我经常话我自己系70年代嘅废青!成班人连咁基本嘅幽默感都冇, 我想问一句, 你凭乜嘢走嚟我地盘教训我? 2004年我就开我第一次红馆音乐会喇, 你打听下先啦傻仔, 我喺红馆做音乐总监𠮶阵时你都唔知出世未呀, 废青 ...hahaha. 我瞓醒觉先铲你班傻仔都未迟! onXX”
周启生喺自己专页呼吁网民去“文人多说话”专页留言，更在留言区指有人食饱饭无嘢做。“人人都可以有自己嘅意见，𠮶条咁嘅废柴，我收埋只手用三只手指弹琴弹得好过佢啊！好嘅作品欠奉！哈哈大笑”