金像奖2023｜《给十九岁的我》冇被取消　尔冬升︰唔行使呢个权力

一年一度的影坛盛事“香港电影金像奖”已举办至第四十一届，并将于周日（16日）于香港文化中心举行颁奖礼及红地毯环节。今日（13日），香港电影金像奖协会主席尔冬升导演携同副主席庄澄与文隽、董事局成员代表余安安、钱嘉乐等，一同为第41届香港电影金像奖举行拜神仪式，祈求典礼一切顺利。

对于被受争议的纪录片《给十九岁的我》继续遴选“最佳导演”、“最佳电影”等奖项，尔冬升表示：“例如我哋有金扫把奖，有酸苹果奖、烂苹果奖，咁你所有电影人既然公映咗，你有冇权退出呢？你要畀公众评论嘛！”续指：“呢件事本身系片方嘅纷争，我哋其实冇一个仲裁嘅能力。既然已经投咗票，我哋就交返畀我哋嘅选民去投啰！”

对于金像奖董事局拥有入围及遴选制度的最终决定权，尔冬升表示董事局决定不会行使权力进行干预：“董事局考虑咗，已经有超过二千位投票人，我觉得佢哋唔希望有一个董事局去取消任何入围资格、攞奖资格，我相信呢样系非常危险嘅！当然我哋文字上有讲‘所有一切最终决定权交由董事局决定’，我哋今次决定唔行使呢个权力，我奖佢交返畀所有选民去决定，系最恰当。我谂如果我哋好容易去做呢个决定，我相信将来金像奖嘅公信力都会散咗！”尔冬升亦指出不论现在或将来亦不会设退选机制，连奥斯卡也退选机制，是否领奖则交由得奖人自行决定。至于张婉婷导演会否出席颁奖典礼，尔冬升表示：“张导会唔会嚟，我唔知道。”

近日，本地及内地拍卖平台出现高价出售金像奖门票，引起大众关注，尔冬升表示董事局密切关注事件，亦提及：“门票喺过去好多年有试过被盗被偷，喺文化中心。亦都有试过有工作人员好高清放咗上网，畀人攞去影印。好多年嚟我哋都喺到优化紧个方式。喺内地，我都试过亲自去，佢哋捉到啲假飞，我去处理。”尔冬升强调：“我喺呢到提醒所有人，我哋嘅票系唔可以转让，亦都冇得买！”他坦言担心观众被骗，希望保护影迷的利益。