洪金宝痛心功夫片难吸引年轻人︰唔通叫人练完功第日卖叉烧包呀？

第四十三届香港国际电影节的焦点影人为大哥大洪金宝，今日（30日）在香港文化中心举行“香港名家讲座”，吸引不少香港、内地、外国甚至日本粉丝到场。
大会先播出大哥历年来的经典场面作为开场，其后大哥戴上草帽以功夫装现身，大哥甫出场即向大家打招呼：“大家好！我系洪金宝！你哋今次唔好彩，我本来想打翻斗出场，不过早几日整亲条腰，宜家只可以翻眼皮。”不失风趣幽默。

为《功夫》出手拍过呢几幕
大哥今日跟粉丝们分享多年来的拍摄经历，其中有粉丝问到当年由星爷周星驰主演的《功夫》中，有哪些动作场面设计，是出自他手？大哥即回应：“开始𠮶啲黑帮出嚟打佢哋班人，然后有一个咕喱、一个裁缝、卖油炸鬼嘅，记唔记得有𠮶场戏？𠮶场戏系我拍嘅；另外就系3个高手话走，突然又喺楼梯到郁手打返场，之后话‘再见，走！’𠮶场戏又系我拍嘅，之后我就被炒喇。”大哥大不忌讳直言自己“被炒”。

洪金宝为李小龙遗作《死亡游戏》连踩15日通顶︰每日队6支力保健

香港电影俾唔到希望下一代
其后再讲到香港电影时，大哥表示惋惜：“全部返国内揾食，香港电影无希望，佢系无希望俾下一代，无人拍动作片。以前唔同，以前有成龙、洪金宝，俾到希望啲细路仔，睇到呢啲功夫明星，会谂我要练功夫，要做明星，宜家系无呢样嘢，无咗电影，无咗功夫片，咁我练功夫嚟做咩？练完功夫第日去卖叉烧包呀？咁咪无人练啰！”

大哥大更留意到早前年轻人选择去练唱歌参加比赛，宁愿入行的人少。“所以我希望香港电影部门可以俾返多啲支持香港电影，香港电影喺10年甚至20年前喺社会上高企，宜家其他国家已经超过晒我哋香港，其实个心系好痛，但我郁唔到、帮唔到、讲唔到，我都唔会参加宴会，因为我个人脾气唔好，一出口就交叉你。”

随即大哥再补充：“我早前跟电影局局长讲过，政府宜家搞一个开幕礼用咁多钱，跟住无嘢，nothing！点解唔继续投资香港电影，将香港电影巩固返，香港电影嘅将来...你返去谂谂，谂到话我听。”

我最撑男主角竞争激烈，“逆流大叔吴镇宇”VS“沦落人黄秋生”，快啲把握手上一票，拣心水影帝啦！
《香港电影我撑场．民选大奖2019》投票专页：https://voteforhkmovies.hk01.com/

重温洪金宝电影作品