【二汶x戴伟x b.wing】二汶亲自解构戏院礼仪歌：而家个个识背

如果讲到近年香港洗脑神曲，相信由林二汶演唱的百老汇院线电影片头“电影院礼仪歌”敢认第二，都没有别首敢认第一。“唔该熄咗你个电话啦！”唱到街知巷闻，没有电视、电台日播夜播，只在百老汇院线戏院开始前播出，但它比近年任何一首歌都来得更出名、更入耳。到底这首歌的由来是甚么？不如就由原唱二汶、作曲作词的戴伟，以及A仔联盟的创作者b.wing讲给大家听！

最憎睇戏有人讲嘢　二汶、b.wing会当面责备

这首“电影院礼仪歌”以轻松活泼的音乐与歌词述说一些很硬性的戏院规矩，到底三位创作者是否都在戏院遇过很惨痛的经历，忍无可忍才有这首歌的面世呢？二汶就有感而发：“如果我喺戏院听到人不断讲嘢，我会好想发嬲打人，但我又唔可以！”相信这种情况对很多电影爱好者来说都身同感受，身边太多嘈吵杂音，真的令人难以投入戏中！“我试过按捺不住，走过去同佢讲你可唔可以唔好讲嘢！”原来二汶都有勇武的一面呢！b.wing听到后亦有感而发：“我都试过行过去，同佢讲：‘先生，静啲啦。’佢个样就即刻劲惊。”有些人真的是“唔闹唔松化”，不过就睇你有没有二汶与b.wing的胆量啦！

口语入词劲顺口又贴地　填词戴伟功不可没

而基于这些在戏院的愤怒经验，就渐渐促成了这首“电影院礼仪歌”的合作。A仔妈妈b.wing就话：“由细到大都有个愿望，都希望自己可以改变啲嘢。到我有一日画咗只弹结他嘅A仔，我就谂其实点解唔可以用唱歌呢？用唱歌一定更深入民心！咁就揾咗戴伟帮手啦！”那么戴伟又如何去创作呢？有没有把二汶、b.wing的这些愤怒都加进去歌中呢？“其实就冇，不过这首歌难的地方，是要把规则都放进去。其实当时我好想有首歌系可以用口语填词﹐这首就成为试验品。不过造就了必须词曲都由我写嘅情况，口语好难交由第二个写。因此创作时，词曲需要同步写。”戴伟最后就写下这首脍炙人口的“电影院礼仪歌”，b.wing亦盛赞戴伟的创作真的是超一流，更形容是“magic moment”！

“我第一次听呢首歌喺条街上面，我对眼系即刻红哂。大部分嘅创作都系需要时间去磨合，但这首“电影院礼仪歌”的合作我几乎可以话系奇迹！一次就可以做到我脑海中想要嘅嘢，对我嘅创作生涯而言，系一个magic moment！”在创作上要找到一个能完美凑合的人真的很难（想想读书做project时，组员间有几火星撞地球就知！）

歌词潜移默化　寄望下一代可以做得更好

不过理想归理想，词曲都是大家想要的，传唱度也够高了，但成效又是否能够尽如人意呢？似乎未必。很多听众都表示有些人听完后，仍在电影播放时高谈阔论、仍然大玩电话，那么三位会否很失望呢？“你几时有背过戏院规条？但而家个个都识背！”看来二汶仍然保持乐观的态度。b.wing就话：“小朋友对于首歌嘅内容好根深蒂固，等呢班小朋友长大后，我相信以以渐渐改变个环境，呢一刻未必睇到好大分别，但假以时日会有改变。”没错，成年人的习惯我们未必可以轻易改变，但其实小朋友从小识背这首歌，对未来一代的规矩学习必然会影响。有时有啲嘢，唔可以剩系睇当下效益嘅！

Wyman：开场15分钟后个脑仲播紧首歌

谈到这首歌的洗脑程度，三人都不期然笑了起来。戴伟笑言：“我个仔听一次就识跟住唱，不过佢应该唔识解，因为佢就系会睇电影好嘈嘅小朋友。”二汶又话：“我收到一个市民嘅意见，系阿Y（即Wyman黄伟文）。佢话觉得好好听，但唔洗咁认真制作。事关佢喺电影开场15分钟后，个脑仍然播紧首歌。”能够令词坛界神级人物Wyman听一次就上脑，几位应该要感到骄傲！

经常听到从事创作的人说，很多有创意的点子往往因为高层或客户的意见，成品变“烂作”。三人借此亦想寄语各位“老细”，这首歌曲之所以能够成功，皆因老细能相信他们的专业与创作能力，对方100%相信自己，才能有一个好的作品。b.wing话：“对方比绝对嘅自由我，我哋一定会比最好嘅成品佢。”戴伟都非常有同感：“其实有时老细觉得啱嘅意见，可能会破坏整件事。”所谓知人善任、用人不疑就是这样！“你唔系𠮶行嘅专业，突然空降畀所谓嘅意见，真系会令人无奈。”b.wing续说。各位“脑细”，下次找创作人工作时，知道应该要如何对待吧！