猪肉VS豚肉、多士VS吐司　网民提名“改名即升价10倍食物”TOP 10

俗语说“人靠衣装，佛靠金装”，证明自古以来外表和包装，一直十分影响大家对该事物的观感。就好比食物有一个引人入胜的名字，单单一碗“黯然销魂饭”，足以大大提升其整体的价值。于是有网友在讨论区上开PO，让一众网民提名心目中“改咗名即刻升价10倍的食物”，其中有不少日式料理都入选！

👉🏻 👉🏻 👉🏻优之良品结业网民觉得好合理　反而唔明呢7间店舖点解生存到今日

网名“芷婷”的网民近日在LIHKG讨论区上以“一人一样改咗名就变成贵价嘢嘅食物”为题发文，让一众网民提名心目中一改名便升价10倍，甚至物非所值的食物。其中作为热爱日本文化又视日本为乡下的一众香港人，当然对一切日本的事物都趋之若骛，在食物方面更加发挥得淋漓尽致！就比如一块猪肉，只要叫做豚肉立刻变成你吃不起的“猪肉”！

在这套理论下，最神奇的是食物的本质明明是一样，偏偏换咗个名就似高级咗好多咁，原本冇人买，或者唔抵食嘅嘢，都即刻变成抢手货！以下精选出的TOP 10食物，又有冇边穚引起你嘅回忆？

👇🏻👇🏻👇🏻点击图片放大看：网民提名“改名即升价10倍食物”TOP 10！👇🏻👇🏻👇🏻

【1】猪肉 VS 豚肉

明明猪肉同豚肉不过系同一种原材料，偏偏猪肉就好似街市卖个啲平价食材咁，冇人垂涎；相反变咗豚肉个名，即刻就多咗阵“和牛除”，畀人抢住去买。其实咪又系同一样嘢，唔同名就贵啲咩，咁街市改晒叫豚肉档咪得啰。

【2】牛肉饭 VS 牛肉丼

牛肉饭同牛肉丼，其实都系冚啲牛肉系饭面咁食。不过，系香港叫亲“丼”都好似高级啲咁，肉又系高价份量，价钱又系高级程度，可惜小编银包唔系，下次同样价钱系用靓牛先好叫我食。

【3】餐蛋面 VS 部队锅

虽然成日听人讲韩国嘢唔抵食，不过无可否认炸鸡之类都几唔错。直到小编遇上食水深之鬼“部队锅”，真系令我想瞬间塞佢入blacklist。基本上个锅入面嘅食物，冇一样唔系即食的加工食品，就连个所谓的汤底，都只系味精粉开出嚟，毫无欣赏价值。小编宁愿食茶记个餐蛋面好过，至少人哋大件夹抵食仲包嘢饮。

【4】古早味蛋糕 VS 海绵蛋糕

其实小编每次见到依旧本体同海绵蛋糕，或纸包蛋都差唔多的“古早味蛋糕”，依然完全唔系好get佢可以卖到咁贵嘅点系边。话好特别咩又唔系，好好食咩又唔系，咪就系普通有蛋味嘅蛋糕咁。除咗古早个两个字够出格外，我真系说服唔到自己食第二次的理由。

【5】蛋 VS 玉子

作为将日本当做家乡的一众香港人，当然连饮食习惯都要跟足，反正蛋都系进口，识拣一定拣玉子！不过，老实讲句，小编觉得啲日本蛋又真系好似好食啲咁嘅。

👉🏻 👉🏻 👉🏻港男FG见工带埋阿妈全程代答　对方一句反问老细傻眼：害死个仔

【6】半生熟蛋 VS 温泉玉子

以前未惯食生蛋的年代，如果唔识或未识温泉蛋依样嘢嘅朋友，第一次见到依只生到连形状都冇嘅蛋，一定会即刻吓亲，以为边个大厨连煮蛋都有困难。不过时至今日，一只价值10蚊以上的未熟蛋，只要叫返声温泉蛋，成件事又即刻合理返。

【7】拆散嘅Burger VS All day breakfast

All day breakfast同Burger的奥妙，在于到底你系想拆开个Burger优雅食，定想快快手一次过满足晒你赶时间，同啖啖口感的快乐。事实上无可否认除咗个笃是蜜味茄汁豆外，两者不外乎系包、肉、菜、蛋的配搭，但夸张起上嚟，想优雅的你可能要比贵一倍价钱。

【8】寿司 VS omakase

充满争议的寿司和omakase，今次网民焦点是寿司店的Omakase．有网民表示其实两者食嘅嘢本质上冇乜分别，都系三文鱼、蛋、饭组成的菜式。不过，普通寿司店食400蚊就可以埋单，omakas冇1000蚊都唔使落楼。而小编就觉得，如果可以拣嘅，我都系选择自己拣嘢食好过。

【9】多士 VS 吐司

一样都系包要分那么细吗？自问为食的小编，为咗食真系可以散尽家财，但食得最心痛的一次莫过于试所谓厚吐司的经验。一块4蚊的包先系升价10倍，然而除咗厚我真系食唔出有咩分别，咪又系多士，真系𢯎晒头，完全唔明点解有咁多人排队。

【10】饭团 VS 御结

我唔否认御结系好食，只系理解唔到想当年叫饭团的时候，明明系一样嘅嘢，偏偏又畀人话“自己整都得”、“咪又系饭加𩠌，包埋一齐咋吗”，比人踩到地底泥咁。到咗叫御结的年代，成件事就好似股市突然升穿3万点咁，真系十分“耐人寻味”。

👉🏻 👉🏻 👉🏻绿帽男结婚16年DNA惊揭3个小孩非亲生　老婆这样辩解网民竟同情？

同场加映：优之良品结业｜网民怀缅那些年8大名物：食矶烧元贝都系有钱人

【优之良品/优の良品/结业/零食/集体回忆】连锁零食店优之良品今日（7日）证实全线结业。作为80、90后的集体回忆，优之良品近年转型主攻内地市场，零食愈卖愈贵，亦没有过去小包散装出售，令香港人愈来愈少帮衬。如今因疫情游客大减，最终结业，令网民颇为唏嘘。

点击连结看全文：优之良品结业｜网民怀缅那些年8大名物：食矶烧元贝都系有钱人