渣打马拉松2024｜张耀梁庄司旸拍住上珍惜“兄弟情”　目标破220

张耀梁及庄司旸两位本地好手拍住上，成为今届渣打香港马拉松第二及第三快的香港跑手，仅次黄尹隽。两人近年经常一起训练，成绩并驾齐驱，令人想起当年的纪嘉文与陈家豪。张耀梁及庄司旸赛后认同这样的“长跑兄弟”关系十分珍贵，互相推动对方进步。

张耀梁以2小时24分51秒跑完今届全马，排全场第18位，也是第二快的本地跑手。张耀梁今次还入选港队，参加同时举行的亚洲马拉松锦标赛，以第10名完成。庄司旸慢张耀梁不足1分钟，以2小时25分44秒跑完，在今届渣马排全场第19位。

张耀梁及庄司旸很珍贵两人互相竞争及成长的关系，后者说：“好宝贵，有一齐奋斗嘅人、一齐唔服输嘅人，无论对竞技水平，定系练习气氛同心情，都有好大助益。有一个难分难解嘅伙伴，就令自己进步得愈嚟愈快。”

张耀梁也道：“我哋两个人会互相推动，成日一齐练习，呢样嘢好难得、好珍贵。”但他补充，两人还未能跟纪嘉文及陈家豪比较，“佢哋两位都好多年保持到高水准，我哋暂时都未能同佢哋相提并论”。

张耀梁及庄司旸在四五年前认识，去年一起代表港队出战大邱马拉松，但他们异口同声表示最难忘的经历并非出国比赛，而是日常训练。庄司旸说：“上星期，渣马前9日，我哋练咗一课好高质，佢做咗5K个人最佳时间，我亦做到唔错嘅时间，以前觉得外地选手喺练习做到呢个时间系难以企及，但而家自己练习都可以接近到，有个强心针作用。”

谈到对方的风格，庄司旸说：“阿梁喺练习系稳定啲，我就相比急啲。我急嘅时候，佢会拉一拉我，令我自己唔会未到比赛就谷起咗状态。去到最尾，佢又推到我，佢系好识平衡嘅感觉，好帮到我。”但张耀梁就认为庄司旸配速稳定，“系佢带住我跑，有呢个成绩，一半系我自己，有三分一系（归功）佢，互相推动”。

张耀梁认为两人性格大不同，他是个“大细路”而庄司旸则十分成熟。在今届渣马，陈家豪在终点等待两人回来。张耀梁说：“有佢（家豪）最好，到佢状态好番，一齐练嘅时候更加开心。疫情期间，冇乜比赛，但佢系好高峰，我哋都跟唔到佢。佢成日话我哋超越咗佢，其实除咗全马都唔系。”

被问到接下来的目标，他们皆希望跑入2小时20分内。庄司旸说：“最大目标系今年破220，达到体院24至26年嘅标准，我上年透过青年标准入体院，而家最大目标都系220内。”张耀梁说：“我哋目标一样，都系呢个大关，但我就未必望住入体院，我仲有工作。”