【温多娜手记】汇丰派500蚊利市　同香港员工开心过肥年

听日就系大年初一，不过汇丰银行今日已经同员工讲定会派500蚊电子利市，同员工一齐开心过肥年。

今次汇丰派利市，涵盖咗所有香港员工，包括长期雇员、长期兼职雇员、合约雇员、时薪兼职雇员，同埋响香港出粮嘅海外派遣雇员（international assignees），人人有份！而电子利市将会喺听日存入员工嘅出粮户口。

汇丰发言人话，以往新年员工都会收到自己部门安排嘅开工利市，为咗感谢各同事过去一年嘅努力，今年就推出新安排，派500蚊电子利市。另外，员工新年仲会收到开工利市，金额则要视乎各部门嘅做法。