错误是成长所需要的养分│Sci Papa

“Can you buy 4 potatoes for us tonight?”学识整“薯仔鸡翼”算是笔者英国留学是最大的得着之一。新年假期，当然想整俾家人食吓。一家人出门游玩前叫咗“姐姐”帮忙买薯仔，回家后我就可以下厨啦！𠮶日返到屋企，笔者正准备要“大展拳脚”时，发现雪柜只有4个番茄。我：“Where are the potatoes?”姐姐：“Oh？I thought you said tomatoes？”心谂：咁好啦，我试下煮蕃茄鸡翼啦！

过咗一个星期，为咗要煮蕃茄炒蛋，笔者再叫姐姐帮忙买4个番茄；呢次，笔者学精啦，问返姐姐我叫佢买乜。

我：“Can you buy 4 tomatoes for us?”姐姐：“Okay!”我：“What did I just ask you to buy?”姐姐：“4 potatoes!”我：“Nonononono, it is 4 tomatoes!”姐姐：“No problem! Will get you 4 potatoes.”我：“Not potatoes, it’s tomatoes okay?”姐姐：“Sorry, tomatoes.”我：“Thank you! Remember, potatoes are not tomatoes!”

然后，我就一支箭咁出咗门口。

返到屋企，雪柜里当然就只有4个薯仔。咁顺理成章，我就煮咗薯仔炒蛋了！

虽然，呢两道菜式味道有点怪怪的，但咁样煮新菜式，过程都几有趣，就连大女儿见到新菜式，都食得津津有味：“以为爹哋净系识整番茄炒蛋同薯仔鸡翼添？！”

挫折同错误，都系人生必然会遇到嘅事。虽然，佢哋嘅出现会令我哋行嘅路冇咁平坦，但就会令我哋嘅阅历更丰富，令我哋嘅人生更加精彩。

如果我哋都认同以上嘅说话，咁点解我哋又咁惊小朋友遇到挫折同错误呢？一条平坦易行嘅路，系咪真系最适合自己嘅小朋友呢？又系咪佢哋成长最好嘅选择呢？

虽然，呢两道怪怪嘅小菜，笔者未必会再煮，但我可以同人哋讲：“喺我人生中，我煮过四道菜式，而我比较钟意薯仔加鸡翼或者蕃茄加炒蛋，not vice versa。”

从“错误”中更加了解自己——错误，实在系成长不可缺少嘅一种养分。

Sci Papa （专页：Scientific Papa）

喜欢科学，但更喜欢老婆跟女儿。觉得科研跟“凑女”都是要有极度的耐性，不怕失败，还要懂得自我反思后用不同方法再尝试！将育儿及科学融合，期望伴著女儿走一条快乐的成长路。