小孩远离电话的法宝│Sci Papa

不少朋友同笔者一家相处过后，都好羡慕笔者：“点解你两个囡冇问你攞电话玩嘅？”系，笔者两个囡对电话嘅兴趣其实一啲都唔高，朋友们都想向我取经⋯⋯于是，笔者对佢哋和盘托出，然后，佢哋都恍然大悟不过就绝无打算改过自新，点解嘅呢？

首先，笔者先讲明，我系会喺两个囡面前揸住部电话，而时间亦唔算少。（先讲明，同佢哋玩嘅时候，笔者会集中亦尽量唔会用电话。）只系佢哋根本唔觉得电话系好玩。

因为⋯⋯

第一次抢到爹哋嘅电话时，佢睇到系一大堆中文字；系笔者用紧电话写稿。

第二次抢到电话，佢睇到系一大堆英文；系笔者用紧电话睇科学期刊。

第三次抢到电话，佢又睇到系一大堆中文；系笔者用紧电话睇新闻。

第四次，佢又睇到系一大堆英文；系笔者覆紧电邮。

第五次，佢睇到系一大堆红色数字；系家庭收入与支出计算后嘅“家庭经济赤字”。

呢个咁嘅电话，大人都唔想抢啦，何况系小朋友？

冇错，笔者部电话，点解无小朋友想抢？无他，胜在够闷！

如果父母成日喺小朋友面前玩电话，而又玩得好开心好兴奋嘅话，再加上电话屏幕系多姿多彩嘅游戏时，你话小朋友知道咗仲抗拒到呢个玩具吗？

Sci Papa （专页：Scientific Papa）

喜欢科学，但更喜欢老婆跟女儿。觉得科研跟“凑女”都是要有极度的耐性，不怕失败，还要懂得自我反思后用不同方法再尝试！将育儿及科学融合，期望伴著女儿走一条快乐的成长路。

【周五心意运动】您捐一封$50利是，已可为基层送上温饱，01心意呼吁您支持【香港青年协会】 ，每$50即可制作5碗爱心汤和心意礼物。