【芳疗小分享】晕车浪必备精油大公开│荔枝孖妈

大家出游时最担心发生咩事？唔舒服、唔见嘢、迷路等等？! 有一样可能系最不为人留意，但又系最困扰嘅，就系晕车浪。有朋友仔一坐长途机，长途巴士，或者坐船，未到步就已经要叫救命！其实晕车浪嘅医学名称系“MOTION SICKNESS”。我们嘅脑部会透过眼睛和内耳朵嘅半规管来感应空间感。当我哋置身喺交通工具之中，内耳会感觉到细微且肉眼睇唔见嘅身体移动，当大脑接收到呢两边分歧嘅讯息时，就有可能会形成晕眩嘅感觉，有人更甚可能会出现恶心、呕吐同冒汗嘅征状。【编按：作者为荔枝孖妈】

相信好多人都会见到公公婆婆坐车坐船时，会预先搽定药油止晕，无奈当我一闻到呢啲药油味时，本来明明唔想呕就会反而搞到想呕，好大件事！晕车浪𠮶阵成身都无力，个胃又好似搅下搅下咁，成身唔多舒服，呢种无能为力嘅感觉，相信无咩人会喜欢。有无谂过自己都可以动手DIY支止晕止呕成份全天然嘅精油滚珠旁身呢？以下就同大家分享一个超简单嘅方法：

DIY止晕Roll On滚珠：村料：4滴 Peppermint Essential Oil 薄荷精油＋10ml 综合复方纯植物油 混合在一支Roll On滚珠中。用法:可以搽喺太阳穴，胸口同胃下嘅位置，亦可以直接吸入助舒缓。有时我会将精油滴喺纸巾上吸入，来达到安抚效果。亦可以令唔舒服嘅身体得到放松，不安嘅心灵同时得到安慰。

其他建议可用嘅精油：Grapefruit Essential Oil 西柚精油Bergamot Essential Oil 佛手柑精油Ginger Essential Oil 姜精油Lavender Essential Oil 薰衣草精油Frankincense Essential Oil 乳香精油Geranium Essential Oil 天竺葵精油另外，出发前可以选择食比较清淡嘅食物，又可以喺搭车之前1小时左右，饮定薄荷茶。仲有可以预备话梅、生姜片等。因为梅喺我地消化之后，可有效中和体内酸性，亦对预防晕车浪有一点效果。

而搭车时，如果比较易晕车浪嘅朋友可以坐前啲嘅位置，视线向前同睇远啲都会无咁易晕车浪，而坐车时头部尽量靠住椅背，咁行车时嘅摇晃造成晕眩感亦会降低，仲有打开窗保持空气流通都有帮助。

当然最天然又有效就系运用芳香疗法啦。之前同大家开心share嘅滚珠Roll On真系好方便，只要随身携带，无论系出游时要坐长途车，定系平时遇到急煞公共交通工具、拥挤闷热嘅MTR又好，呢支DIY 嘅Roll On都可以大派用场，既可以舒缓晕车浪时嘅恶心同晕眩，又可以令人感到清凉嘅甜味。当你感到有啲晕眩、唔舒服个阵，就可以直接将精油滴系手巾/品质优良嘅纸巾上直接嗅闻，而除咗啱啱介绍过嘅精油之外，我有时亦会用到一啲复方精油；因为好方便唔洗自己mix blend，只要加入综合复方纯植物油来稀释就可以了。

复方精油一：内含柠檬草、迷迭香、茶树、香桃木、香茅、薰衣草成份。呢支复方精油有净化效效，能产生干净、清爽、令人振奋嘅香味，仲可以用黎清洁同舒缓肌肤，对蚊叮虫咬后亦有显著帮助。可以坐车前将呢支复方精油搽少少在后耳。复方精油二：内含薄荷、绿薄荷、生姜、豆蔻、茴香成份。呢支复方精油既可以平抚偶发性压力，亦可以舒缓晕船，晕车所导致嘅作呕感，带来平和、放松同镇静情绪。只要简单将呢支精油搽系太阳穴同肩颈，就可以有效缓解反胃嘅不适感。

此外，小朋友成日都可能会话公共交通工具有阵味，同觉得好车箱好焗，呢个时候小朋友可以用比较温和嘅嗅闻方式，Lemon Essential Oil 柠檬精油对小朋友亦系一个不错嘅选择，可以简单打开盖去嗅吸，亦可以将一滴Lemon精油滴系纸巾上来闻。大家都可以系出发时应用这些芳香疗法小知识，可以安心出游。以后晕车浪‪、‎晕船浪、 ‎反胃、‎作呕，都再无有怕了。唔好再比晕车浪阻挡大家探索世界呀。

荔枝孖妈（Facebook专页 , Blog)

＊美国NAHA国际芳香治疗师 ＊ 婴儿按摩及瑜伽指导师 ＊ 国家儿童游戏治疗师＊ 儿童体适能教练 ＊一日之间，成为两子之母！充满爱与惊喜。曾经致力游历世界唔同的地方，到而家变成致力育儿的双职妈妈。希望把生活中每一个美好时光都记录下来。亲子育儿，美容扮靓，饮饮食食，购物，好物都想同大家分享! 更希望与大家一起见证孖宝的成长，分享他们生活的大小趣事。