【辞职】离职前应顾及上司、同事需要　参考转职三部曲助功成身退

揾到新工作确实令人百感交集。去新环境开始固然令你非常兴奋，但前提系你必须先从现职功成身退，你唔会希望损失之前一步步建立嘅人脉关系。以下系一啲实用步骤，帮你顺利离职，亦保护自身声誉：

第0步：事先计划

先好好计划点写辞职信、辞职理由同筹备点样安排你现职嘅职责转移。千祈唔好将任何未完成工作或者更新就咁留俾上司！

▼▼按图放大看事先计划的七大注意事项▼▼

1. 已与新雇主签约：首先，做任何举动之前，你要确保已经同新雇主完成、确认所有雇用嘅细节。一日未签新合约，一日都未系百分百肯定！

2. 计划职责转移：好好计划同筹备点样安排你现职嘅职责转移。千祈唔好将任何未完成工作或者更新就咁留俾上司！你可以准备一　份清单建议点样将你手头工作转移俾部门内其他同事。

3. 撰写辞职信：准备写辞职信，封信应该简单表达谢意，其他内容可以留返面对面先讲，因为辞职信会同时转交人力资源部同事同埋其他人。紧记要系信内提及最后上班日期。

4. 准备离职原因：好好考虑点样向上司、同事解释离职原因，无论最后原因系咩，都要确保说辞正面同埋一致。

5. 预防突发状况：提前考虑可能发生的事，如果上司提出改善待遇，你会点样应对。

6. 核实离职通知时间：检查清楚现职合约上提及嘅离职通知时间，如果你准备提早离职，你应该准备一个计划俾上司确保公司唔会因你提早离职受影响。

7. 思考需否更早离职：如果你所属职位较难揾人顶替，你亦可以比合约订立时间更早提出离职。以上情况都系可以商议，所以系任何会议前你应预先准备好解释。

第一步：通知老板

1.　你一定要首先通知你老板或者顶头上司，因为佢应该系第一个知道你要辞职人。千祈唔好同其他人讲先，消息可以好快系公司内传开去！

2.　你必须亲身辞职，而且要交埋辞职信。如果你老板或者顶头上司人在外地，你应该安排一个电话或者视像会议去通知佢。

3.　如果时间许可，你亦可以提议自己训练埋顶替你职位嘅新人。

第二步：通知其他相关人士

1.　你可以先同老板或者顶头上司商量，有共识地通知其他人。你可以建议系下一个团队会议宣布，又或者写电邮去通知所有人。

2.　尽量安排约见你系公司内嘅Mentors同Sponsors，即使只系一个简短对话，佢地都值得你用少少时间面对面告知你嘅决定。

第三步：例行公事…

1.　大部分企业都有一系列既定程序你要先完成，而离职面谈（通常由人力资源部负责，主要想揾出公司可改善之处，又或者系个别员工经历问题）系非常普遍，而且你将会有好多表格要填。

2.　系最后返工日之前你应该开始清理桌上任何个人物品，你绝对唔会想番屋企或同同事出去食饭重要拎住咁多野…

3.　确保你要向你嘅团队写一封电邮表达谢意，记得加埋你嘅LinkedIn连结去保留你嘅人脉关系。

注意事项：

揾到新工去新环境开始固然令你非常兴奋，但你唔会希望损失之前一步步建立嘅人脉关系。以下系一啲实用建议，帮你顺利离职，亦保留connections：

1.　喺整个辞职过程保持专业。你希望同公司保持正面关系，确保你有好嘅reference同埋未来有机会再受聘；
2.　直到最后一日最后一刻都对负责工作付出百分百努力！如果你有好好计划点样转移手头工作，你应该可以系离开前顺利转移大部分职务；
3.　如果你要辞职转去为公司直接竞争对手工作，你应预备好辞职后会被要求离开办公室，你电脑登入都会迅速被删除以保护公司敏感资料；
4.　千祈唔好擅自copy数据又或者系机密资料同档案；
5.　最后，记得更新个人档案（例如LinkedIn），同埋加番任何之前遗漏左嘅connections

【本文获“vanna.com”授权转载。】