打边炉易播毒? 想打得安心要用呢招 + 8大贴士减出街食饭感染风险

香港人有铺边炉瘾，无论系春夏秋冬，午餐定宵夜，几乎任何时节无阻香港人打边炉嘅决心火锅店日日座无虚席。然而，武汉肺炎突然爆发，近日确诊个案中更出现咗“打边炉家族”一传十一嘅病例，打边炉顿时变成高危活动，火锅店亦成为危险场所，更有唔少火锅店接连宣布暂停营业。以上种种，对于热爱打边炉嘅香港人嚟讲，简直系莫大嘅打击。倘若抗疫期间边炉瘾起，又要如何是好？冒险搏一搏，做足准备先去食又得唔得呢？

打边炉可造成空气播毒？

有指打边炉容易播毒，原因系在于病毒雾化之后，会随住空气流动，飘到远处，导致空气传播，亦即系大家近日经常听到嘅“气溶胶传播”，因此亦都有传言指出，任何能够产生大量蒸气嘅活动，例如打边炉、焗桑拿、加湿器、蒸气熨衫等等，一律属于高危活动。不过焗桑拿就算了，莫非喺公司见到同事用加湿器，行街经过熨紧衫嘅服装店，都要有咁远都弹到咁远，否则会有感染危机？

听埋专家讲先！专家早前就指出，呢类活动虽然的确系会产生气溶胶，不过大家并唔需要过份忧虑，事关除非将含有病毒嘅水源直接进行雾化，否则以上活动导致感染嘅机会系相当低。就以打边炉为例，感染相信系源于多人聚餐，同台食饭，因而导致有飞沫、接触传播，所以大家并唔需要担心，若然真系要在外食饭，点样可以将风险减到最低？

🔻外出用餐有乜要注意🔻

若然抗疫期间真系边炉瘾起，忍无可忍，其实都唔系冇办法，只要留喺屋企打，就乜问题都解决晒！除咗更加舒适方便之外，最重要系食物卫生可以自己把关，多份安心。不过既然都话，打边炉高危系在于多人聚餐，飞沫横飞，如果改为叹一人边炉，咁风险就一定系减到最低！

编辑最近喺网上搜罗咗几个一人边炉套装，大家不妨睇睇啱唔啱用！

🔻一人边炉套装推荐🔻

一人日式铸铁火锅$151.78

讲起一人火锅，相信十个有九个都必定会谂起吉野家、大家乐、大快活个种港式快餐店嘅火锅炉，但有冇谂过其实仲有日式风可以拣？呢款锅具属于铸铁锅，保温效果好，用中到细火已经可以均匀加热，除咗打边炉外，仲可以用嚟整日式锅物、锅烧乌冬等等，就算喺屋企食家常便饭，都可以食出日式餐厅感觉！

火锅专用燃料$115.19

打边炉最紧要就系个炉，呢种一人边炉只可以用固态燃料加热。一盒40个火锅专用燃料，每个约重20g，每次可燃烧大约20分钟。

德国宝折叠式旅行电热水壶HK$499

若然大家唔想整呢整路，唔想用到明火，大家不妨揾吓屋企有冇呢种便携式，旅行专用电热水壶，事关除咗煲水以外，大部分嘅水壶容量都足够用嚟煮食用。正如呢款德国宝电热水壶虽然主打体积小巧，专为旅行出差而设，不过由于容量足足有600ml，亦都可以自行调校由30℃去到90℃之间嘅温度，用嚟煮食，或者打个迷你一人边炉都足够，加上有保温功能，相比起以上两种火锅仲更加方便快捷。

其实不论系咪打边炉，外出用餐，多人众餐本来已经系属于高危活动，虽然做足以上措施，的确系能够大大减低风险，不过最近正值非常时期，与其每次出街都担惊受怕，倒不如都系减少外出用餐，乖乖留喺屋企。

(产品资料以官方最新发布为准，价钱最后更新至2020/02/15)