在家避炎度日如年?抢口罩外必做3件事 教你免费睇戏煲剧试用1个月

香港人生活向来多姿多彩，不论平时放工定周末外出，啲活动通常都排到密一密，但偏偏近日武汉肺炎大爆发，病毒传染性极高，疫情一日未平息，出街都仲系一步一惊心，学生惟有停课，打工仔在家工作，市民周末避免出街，全方位减低中招机会。不过长时间留喺屋企，郁住郁住难免会觉得又颓又闷，暂时疫情未见缓和，有唔少人都已经大呻闷到顶唔顺，倘若嚟紧继续要长留家中，大家又可以做乜解闷呢？

自从疫情出现人传人迹象后，唔少公司都已经相继安排员工在家工作(WFH)，或者轮班工作。唔使返工嘅好处固然系数之不尽，不过同时亦都有网民大呻，闷到顶唔顺呀！呻下其实都无妨，不过千万就唔好学似近日网上疯传嘅其中一则笑料一样，趁home office期间走去行山，由Work From Home变成Work From Hill，仲要因为咁而收埋警告信。虽然闷就系闷啲，不过疫情一日未平息，奉劝大家都系乖乖地留喺屋企，避免中招之余，亦都悭番几个口罩。

小编为大家整理咗3个打发时间嘅好点子，闷到生菇嘅各位不妨将呢几项活动加入你嘅每日活动入面啦！

#1 各大平台煲剧睇戏 善用一个月试用期

不论系打工仔定学生哥，相信近日大家都多咗唔少时间捕住电视，留意疫情最新发展，不过与其日日loop住重复又重复嘅内容，倒不如趁呢个机会尽情上网煲剧，咪仲有娱乐性！而家网上越嚟越多影片串流平台，要数当中出名而又多人用嘅，不外乎系都Netflix、HBO Go、FOX+、Hmvod，只要畀一个月费，就可以无限次任睇所有电影电视剧。(HBO GO及Fox+需透过Now TV申请)

编辑个人就比较推荐Netflix同FOX+，戏路适合大部分香港人。

平时要返工返学未必成日有时间睇，而家绝对就系机会睇番够本，更何况以上平台大部分都有一个月试用期！只要去番影视平台网站，加入计划，即可享用一个月免费任睇，睇完之后满意可以继续订阅，唔满意的话就记得一个月之后要取消计划，否则就会通过信用卡收费。

睇戏煲剧快则就两个钟，慢则一睇就睇成日，想睇够爽够叹，绝对唔少得零食，唔想出街买，网上零食店上仓胃子同零食大王都可以将零食送到你门口。

除此之外，大萤幕都系必须！事关用手机mon睇唔止唔舒服，其实仲非常伤眼，随时增加眼睛病变机会。Acer 21”萤幕使用IPS面版，除咗够高清，颜色够出色之余，最大特点系够薄，机身同边框都分别只系6.6mm及1.5mm，进入睇戏mode之后绝对察觉唔到佢地嘅存在，减低睇片时视觉上嘅干扰。

#2 增值自己增长知识

香港继03年沙士之后，事隔多年再度受疫症摧残，唔少网民都戏言终于有机会投资上楼，不过好可惜，机会暂时都未见到，而最近更系时势艰难，随时一个唔觉意连份工都冇埋，既然空出咁多时间，不如睇多几本书，投资唔到楼市都可以投资喺自己身上，有事起码有两手准备，无事嘅自己都有得著。

呢个时势唔适宜出外买书，不过好在网上都有唔少电子书平台，下载落嚟就有得睇。如果睇中文书多，小编个人会推荐Kobo同Readmoo，如果钟意睇英文书，Amazon嘅资源会比较丰富。

倘若嫌手机睇书伤眼，唔想咁易分心，不妨试下电子书阅读器，皆因除咗护眼之余，亦都方便你想睇就睇，想翻译可以即时翻译，而且随时做笔记亦得。现时比较热门嘅电子书阅读器分别有kindle (kindle paperwhite) 同kobo，前者由Amazon出品，后者由乐天kobo出品，至于点拣好？技术方面基本上都系大同小异，最主要都系取决于使用边个电子书平台多，关于各大平台特色，可以揿入上图及下图了解。

#3 锻炼厨艺做厨神

相信有唔少人都同小编一样，对入厨其实都几有兴趣，但只可惜平时放工返到屋企已经时候唔早，想煮都有心无力。既然近日出街食饭己经变成高危活动，三餐都要喺屋企解决，点解唔趁呢个机会好好进修吓厨艺呢？网上食谱多如繁星，只要跟足指示餐餐煮，日日煮，相信一个月时间都已经足够你摆脱地狱厨神嘅称号。

至于好多人担心嘅入货问题，假如唔想落街买𩠌，其实而家都有唔少网上超市可以帮到手，例如士多、百佳、hktvmall，各种粮油杂货、急冻食材，揿几个掣就送到屋企门口。如果你系新手的话，不妨一次过买埋需要嘅煮食工具，以免到时鸡手鸭脚。

(产品资料以官方最新发布为准，价钱最后更新至2020/02/14)