拜年仲送杂饼礼盒咁老土?4款台湾直送港日联乘礼盒 特别又有心思!

望下月历，数数手指，仲有唔够一个星期就到农历新年喇！拜年系每年新年嘅指定环节，无论系去长辈屋企拜访，去朋友屋企团拜，定留喺自己屋企接待朋友，总少不免要准备定贺年礼物。咩话？你仲未准备？唔紧要！今期肥妹开箱就为大家喺网上搜罗咗4款嚟自外地，市面少见，而款式又够特别得体嘅新年礼盒！大家唔使左揾右揾，唔使去超市逼，坐定定睇完片就知道有乜好买！

新年送礼就最讲意头，想大吉大利，氹得长辈欢欢喜喜，最首要当然系先避开送礼禁忌！新年千万唔好送钟同送伞应该大家都知，事关“送钟”同“送终”同音，而送伞亦都有离散之意。除此之外，新年仲切忌送梨，因为梨又有分离嘅意思，记住之后就绝对唔会踩雷啦！

不过香港人基本上十有八九都会选择送礼盒，听落虽然系好隐阵，但其实暗地里都隐藏住唔少地雷位！就好似片中提到嘅蓝X曲奇、金X朱古力乐相信大家都收到厌。除此之外，X家杏仁糖，同嘉X杂饼，以上统统都系网民表示最唔想收到嘅新年礼盒！如果自问自己都唔想收到呢几款礼盒，就将心比己，花啲心思拣下款，亲戚朋友见你咁有心机，利是都随时畀多几封！

1) 回味 X 中村藤吉 - 传统手工鸡蛋卷(抹茶及焙茶味) HK$168

蛋卷一向都系送礼礼盒中嘅传统选择，但市面常见嘅多数都系传统口味。今次就为大家揾嚟日本京都老字号抹茶店“中村藤吉”，同以制作传统手工蛋卷出名嘅“回味”，联合出品嘅茶味蛋卷。

抹茶味食品最惊就系会因为抹茶味太重而变得好苦，又或者会有啲牌子会加大量糖令到佢变得好甜，不过中村藤吉始用嘅抹茶同焙茶粉始终都系嚟自京都，而且有多年嘅抹茶餐点经验，所以味道方面都平衡得唔错，一盒入面包含4包抹茶及焙茶味蛋卷，小分量独立包装，唔怕食到尾嘅时候已经唔脆，非常细心，值得一试！

2) 微热山丘 - 平安旺来饼 HK$260

微热山丘作为近年来非常出名嘅台湾手信，受欢迎程度自然唔使多讲。今次呢款礼物入面就分别有旺来饼同平安饼两款口味，其中旺来饼就接近平时食开嘅菠萝酥，不过就再加入咗奶黄馅，食落清甜又唔会太腻。而平安饼嘅内饀就以糖渍嘅日本青森县红玉苹果，再融合果粒与果酱而制成，用料天然高质，食落啖啖果肉，钟意食苹果批嘅人应该会几钟意食。

3) 青鸟旅行 - 金漾春暄 HK$168

青鸟旅行同样都系嚟自台湾嘅品牌，虽然以常见嘅蛋卷而闻名，但因为用上咗独家做法，并喺蛋卷入面加入大量馅料，所以唔止受到当地人热捧，更加系唔少人去台湾旅行后嘅手信之选！香港暂时仲未有官方途径可以买得到，若然新年送出手，就显得更有心思同诚意啦！

礼盒入面总共有四款口味嘅蛋卷，分别系青鸟最出名嘅原味肉松蛋卷、海苔味肉松蛋卷，以及芝麻馅同花生馅嘅蛋卷，同样都系细心嘅独立包装，加上有咸有甜，一家大细齐齐食，总有一款啱口味！

4) 阿聪师 - 流心小芋仔 HK$148

继菠萝酥同蛋卷之王后，最后一款为大家挑选嘅都系嚟自台湾嘅品牌——阿聪仔，呢个品牌最擅长出品傅统糕点，其中芋头酥更加系国宴指定点心，荣获台湾“全国幸福点心创意竞赛”第二名。送礼嘅时候同对方讲，连国宴都系食呢款点心，霸气同派头完全出晒嚟！

小芋仔，其实就系流心内馅嘅芋头酥，但酥皮入面除咗有芋泥，仲同时加入埋麻糬同奶黄流心，未食都已经感受到口感有几丰富！阿聪师就教大家，只要将小芋仔放入170度嘅焗炉焗3分钟，就可以食到最完美嘅流心效果。就算冇焗炉，相信用微波炉叮都一样得！有老人家最爱嘅传统糕点，又有年轻人钟意嘅麻糬同奶黄口感，无论送俾长辈定系朋友都唔会失礼！

🔻年货贺礼入手小撇步🔻

虽然介绍嘅礼盒都系外地嘅品牌，但其实𠵱家科技发达，唔使飞去当地，只要上网都一样买得到！只要揿入连结，就可以买齐以上四款礼盒，假如你系新用户，首张订单买满HK$500，仲可以有高达HK$100 折扣！

时间无多，想今个新年逗多几款大利是，就快啲为拜年做足准备喇！

(产品资料以官方最新发布为准，价钱最后更新至2020/01/20)