家用电脑萤幕点样拣? 选购小贴士+ $778高性价比电脑萤幕推荐

市面上嘅电脑萤幕五花八门，单系尺寸已经有由22吋去32吋嘅选择，解析度亦分Full HD、2K、4K多种，规格林林总总，若然对萤幕冇乜认识，相信选购时必定会觉得一头雾水，无从入手。小编今次就先针对一般用途嘅家用电脑，醒大家一啲入手小贴士，再推荐一款性价比极高嘅电脑萤幕！如果大家最近正好要入手新萤幕，或者有砌机嘅打算，不妨考虑一下以下呢款！

想拣个啱用嘅电脑萤幕，第一步最好先由用途入手，例如系日常使用，定系打机用，抑或剪片执相用，用途唔同，需要嘅性能都大大不同，然后第二步就可以按预算再作决定。如果大家系日常使用，亦即系一般上下网，做下文书工作，煲下剧，玩下非3D嘅游戏咁，建议大家唔需要太过纠结及执著于规格之上，可以将挑选重点放喺尺寸同预算，拣个规格中规中矩，价钱平嘅已经足够应付一般日常需求。

至于点先为之适合嘅尺寸？当然并非越大就越好，而系要视乎座位同桌面之间嘅距离，一般香港家庭嘅电脑都会放得比较近，所以市面上主流都系以22至27吋为主，如果空间细而萤幕大，反而会睇得好吃力。再准确一啲，如果距离(桌深)大约有60cm至90cm，可以选择返19吋至24吋，1080P(Full HD)嘅萤幕；如果大少少有70cm至120cm，就可以拣27吋以上，配备2K或以上嘅萤幕。

根据以上两点，小编就为大家拣咗以下呢款Acer萤幕，价钱相当经济实惠，应付日常用途绝对绰绰有余！

Acer 21.5" IPS 超薄边框高清电脑萤幕 HK$778

Acer系全球第4大个人电脑品牌，性价比亦系一线牌子之中最高，今次推荐嘅电脑萤幕就绝对体现到呢一点喇！虽然尺寸只有21.5，但由于萤幕使用咗IPS面版，亦即系现今面版之中价位最高、可视角最大、色彩表现最佳嘅面版，用嚟上下网、做下文书绝对系绰绰有余，如果平时会用嚟打机或者煲剧就更perfect喇。

呢款萤幕仲有一个特别之处，就系一个字——薄！一来机身厚度就只有6.6mm，比一部iphone仲要薄，二来边框亦都只有1.5mm，令画幅望上去更加宽阔。呢点对于于煲剧同打机嚟讲尤其重要，因为幼薄嘅边框令人难以察觉，可以减低睇片时视觉上嘅干扰。 至于其他规格，例如1080P解析度、4ms反应速度、72%NTSC色域等等，大致都符合一般常见嘅配备。虽然系比较中规中矩嘅规格，但以咁平嘅价钱就买到一个工作娱乐两用嘅萤幕，可以话系非常超值，啱晒预算较低嘅用家！

🔻Acer IPS 超薄边框高清电脑萤幕规格一览🔻

🔻Acer IPS 超薄边框高清电脑萤幕价钱一览🔻

*价钱更新至2019/12/28

(产品资料以官方最新发布为准)