想做打机高手必先入手专业装备! 3款高性价比游戏装备推荐!
打机唔止角色要储装，玩家都一样要齐装，继上次为大家介绍过曲面电脑Mon，今次小编再同大家推荐埋其他电竞装备，助你喺多方面同时提升战斗力，Carry全场，战无不胜！
达尔优牧马人EM915游戏专用滑鼠 ¥139起 (原价¥209)
选择电竞滑鼠时，最重要留意滑鼠嘅DPI(每英吋直线距离的点数)以及FPS，因为两者都同灵敏度有关，但注意FPS嘅数值虽然越高越好，但DPI数值就要配合番电脑萤幕，如果解像度越高，就最好选择番DPI高嘅滑鼠，咁移动同点击就会越顺同越精准！
达尔优电竞滑鼠具有多种功能，其中最方便嘅必定系有7个可以独立设定嘅按键，可以自行设定打机时最方便自己嘅功能，加上150 IPS嘅追踪速度同6000DPI，对游戏中加速、跟踪同瞄准相信都好有帮助，而且滑鼠经过特别嘅设计，用落手感好，打机嘅时候就自然更得心应手啦！
打机有好嘅滑鼠当然都要有好嘅键盘配合啦，用于游戏嘅键盘多数都属于机械式键盘，每个按键各自都拥有独立嘅机械轴嚟传送讯号。简单嚟讲，机械轴以颜色区分，包括青轴、黑轴、红轴、茶轴、白轴等等，使用嘅机械轴唔同，按键后嘅反馈嘅力道同键程嘅快慢都会有所不同，而黑轴键盘会系多数游戏玩家嘅首选，因为按键键程最短，用起嚟反应迅速，非常啱玩动作同战略游戏。
呢款达尔优电竞键盘使用咗最著名嘅Cherry机械轴，再配合机械式黄金触点技术，按键嘅反应速度系相当快速同流畅，而且有全键无冲突嘅设计，无论你同时按几多个键，都可以即时同时作出反应。当然都唔少得有自定义功能键同快速键，可以自行设定需要嘅功能，加上背光嘅设计，型格同实用兼备！
西伯利亚 V21头戴式游戏耳机 ¥159起 (原价¥299)
打机对战嘅时候，声音绝对都系其中一个致胜关键，例如玩射击游戏时，就需要用到有立体感嘅声音嚟分辨敌人嘅位置方向，所以购买耳机嘅时候最重要系留意声道，其中7.1声道就最适合用嚟打机，环绕感强，可以准确分辨嚟自唔同方位嘅声音。
呢款西伯利亚耳机得到世界电子竞技联盟认证，采用立体感强嘅7.1声道以及50mm石墨烯发声单元，音域够广，无论声音嚟自边个方位，有几细碎都可以轻松分辨。耳机咪亦具有降燥功能，同队友对话更清晰兼无杂音，而单独嘅音频控制器就方便玩家以单手调整音量、耳机咪以及灯光功能，咁打机时就可以更全神贯注喺游戏之中！
近年电竞装备嘅价钱越嚟越贵，单单一只滑鼠可能已经过千蚊，但以上款款电竞装备嘅价钱都非常合理，而且功能全面，性价比可以话系非常高，无论你定打机达人系新手入门都不妨入番套装备试试啦！
(产品资料以官方最新发布为准)
想知道更多即时优惠资讯，立即加入我哋嘅Telegram Group啦！