圣诞套装推荐! Eve Lom套装香港官网$7800 外国网购只需$7xx?!

每到年尾总系特别忙，忙住为一整年嘅工作埋尾、忙住做appraisal、忙住安排圣诞派对、忙住拣战衣，忙住做年度总结……不过点忙都好，最紧要唔好忘记辛苦劳碌咗一年嘅自己，无论你今年系超额完成，定系“不完美，可接受，要改善”，适当奖励下自己，咁来年先有动力继续拼搏赚钱㗎嘛！

各位姊妹们，谂好买咩礼物奖励自己未？𠵱家临近年尾，无论系百货公司定网店平台，间间都争相推出化妆及护肤品套装，相信精明嘅大家都已经入咗唔少货，之不过系咪都系自己用开嘅牌子？其实小编觉得，呢啲时候不妨买一啲自己未试过，或者一直有兴趣但又唔舍得买嘅牌子，事关套装多数都系细size，啱用可以“翻啅”，唔啱用嘅都唔使咁肉赤嘛，用过觉得唔错，又可以送一套畀闺蜜试下。

如果未谂到买咩礼物奖励自己，或者送畀好姊妹，不妨参考下小编搜刮番嚟嘅精选套装，大部分都系香港未必买到，或者早早就卖晒嘅款式，如果想试下新嘢就记得bookmark低喇！

Too Faced Let it Snow Girl! Makeup Collection HK$467

如果大家有留意开欧美嘅美妆品牌，或者有睇开欧美嘅Youtuber，相信都知道Too Faced呢个美国牌子喺外国系有几火红！就好似今次推荐畀姊妹们嘅Let it Snow Girl! Makeup Collection，呢个set一出，风靡嘅唔止喺欧美，就连香港都出现抢购热，事关小编发现，呢个set系Sephora网站上已经一早售罄，可想而之系几咁吸引。

Let it Snow Girl! Makeup Collection一套入面包含6件化妆品，有眼影盘、修容盘、眼部彩妆等，而最令人心动嘅地方在于佢嘅眼影盘同修容盘系可以拼埋一齐，组成一间姜饼屋，超级可爱！而彩妆嘅色号仲系相当实用，并非华而不实嘅圣诞套装！

▼立即揿入下图睇睇套装有啲乜▼

Eve Lom Rescue Ritual Gift Set HK$761.5

Eve Lom呢个牌子真系不得了，佢简直可以称之为卸妆界KOL，事关Eve Lom唔单止受到大量明星名人，如Jennifer Lawrence、Kate Hudson嘅推祟，就连Vogue都评佢为“世界上最棒的洁颜产品”，同时仲长据埋多个美容排行榜嘅top 10，评价之高真系好难令人唔心动。究竟EVE LOM系咪真系咁好用？其实小编一直都好想试，之不过每次望见价钱都有啲却步，所以当小编今次见到Eve Lom嘅套装做紧优惠，就顿时觉得机会来了！

呢个set入面包含咗两款皇牌产品，当中最出名嘅卸妆膏，一盒已经包含咗卸妆、洗脸、去角质、化妆水四种功效，同时亦能深层清洁埋毛孔同肌肤。对比一下价钱，呢款卸妆清洁套装系香港官网卖紧HK$7800，而lookfantastic 网站上只卖紧£75（约HK$757），仲要Black Friday有75折优惠，即系唔使十份一价钱就可以买到！评价之高、折扣之多，完全冇理由唔入番套试试！

小编提提大家，呢个套装最近就做紧Black Friday优惠，只要输入优惠码【BLACKOUT25】，就可以有75折优惠！

▼立即揿入下图睇睇套装有啲乜▼

lookfantastic Christmas Crackers HK$217

除咗各大品牌嘅套装，其实唔少售卖化妆护肤品嘅平台都会同时推出自己组合嘅抵卖套装，亦即系好似福袋咁，一set入面包含咗多个牌子嘅化妆或者护肤品，虽然多数都系迷你size，但选品方面多数都系一啲坊间评价都唔错嘅产品。就好似呢款Christmas Crackers套装，集合咗6款嚟自Illamasqua、Elemis and Emma Hardie等牌子嘅化妆、护肤、身体护理产品。一次过试到咁多款护肤品，仲唔系值回票价？

▼立即揿入下图睇睇套装有啲乜▼

lookfantastic 每逢节日都会推出唔同嘅美妆护肤优惠套装，就如最近嘅Black Friday！大时大节不妨对自己好少少，咁先对得每日辛辛苦苦返工，“来回地狱又折返人间”嘅自己！

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈