中秋送礼买乜好？2019 月饼礼盒、日本直送生果礼盒优惠攻略！
距离中秋节仲有半个月时间，又系时候要物色一下有咩大方得体嘅送礼自用佳品喇！如果冇时间亲自去门市入货，动动手指上网买都一样得，间唔中仲会有唔同嘅至抵优惠，分分钟平过喺门市买𠻹！今次小编就为你拣定多款值得入手嘅中秋礼盒，无论想自用，送畀亲戚朋友定客户同事都一样啱用！
港岛海逸君绰酒店 —— 100% 无添加自家制月饼
讲起酒店月饼相信大家第一时间都会谂起半岛嘉麟楼嘅奶皇月饼，但其实香港有好多酒店都有推出自家品牌月饼，质素不俗，最重要系唔使同人争餐死。今年港岛海逸君绰酒店就推出咗三款无添加嘅自家制月饼，口味包括养颜又矜贵嗁燕窝奶黄月饼、传统嘅蛋黄莲蓉月饼够、同特别口味之选嘅榴梿飘香月饼。
👇按图即睇港岛海逸君绰酒店月饼款式及优惠👇
大班 —— 最经典冰皮月饼品牌
钟意食冰皮月饼嘅朋友当然要选择番最经典嘅牌子，大班冰皮月饼出咗名口味丰富，单单系礼盒已经有 9 款咁多，包括最经典嘅迷你绿豆蓉月饼，送礼必备嘅尊贵官燕月饼，以及最啱开心 share 嘅九星冰皮月饼，𠵱家喺百佳网上商店仲可以用 58 折入手，如果购买冰皮玲珑四色伴官燕月饼更加送埋你赤霞珠或者梅洛红酒一支！
👇按图即睇大班月饼款式及优惠👇
Haagen-Dazs —— 反传统雪糕月饼
想过一个反传统嘅中秋节，必定唔少得雪糕品牌 Haagen-Dazs 推出嘅雪糕月饼，以经典雪糕口味做内馅，再以香脆浓郁嘅朱古力脆皮包裹雪糕。小编私心推荐“茶‧亮月”月饼礼盒，朱古力外层以日本京都抺茶、滋贺玄米茶、焙茶同红茶制成，茶控千万唔好错过，𠵱家所有款式买两盒或以上再送免费单球雪糕及雪糕蛋糕 $50 优惠券！
👇按图即睇Haagen-Dazs 月饼款式及优惠👇
除咗月饼之外，日本直送嘅时令水果都系中秋送礼嘅好选择！8 月尾呢段时间以日本水蜜桃同日本梨最为当造，原箱购入比起喺外面散买抵好多㗎！
👇按图即睇日本直送生果礼盒及价钱👇
小编提提大家，以上介绍嘅月饼全部都系以月饼券嘅形式发售，大家需要喺指定换领日期内，带住月饼券或者电子礼券去到有关门市取货㗎！
(产品资料以官方最新发布为准)