邓炳强油尖旺区议会舌战民主派议员：我哋系用血肉保护咗大家

警务处处长邓炳强今日（29日）出席油尖旺区议会大会，会上多名区议员就不同议题向邓炳强质询，会议长达1个多小时，邓炳强逐一回应提问。对于有区议员质疑警方在反修例示威中滥捕，邓强调不应本末倒置，事件背后有人犯法，警方才需要执法不认同滥捕指控，“其实我哋系用血肉保护咗大家。”

“无人犯法就唔使执法”

警方在过去一年反修例风波拘捕逾1万人，检控2,227多人，多名区议员质疑警方滥捕。

邓炳强反驳说：“对于议员指控滥捕系完全不能够同意，好多议员话警方点解要捉人、按住、拘捕，但咁多位议员无提过背后原因，因为有人犯法、暴乱、掟汽油弹、打烂红绿灯几十次、喺商舖放火，所以警方先要执法，最好无人犯法就唔使执法……个问题好多人出嚟犯法我哋咪要执法啰，我哋要睇晒成件事。”

“最近唔使用催泪弹非常开心”

过去一年全港多区爆发反修例示威，全港硝烟处处，多名区议员批评警方乱发催泪烟令市民不适，令警民关系紧张。

邓炳强逐一回应：“最好一个催泪弹都唔使用，最近唔使用非常开心……大家批评用武器时要睇睇，我哋系第一个最唔想用……点解有人对警方不满？呢个系我哋职责问题，当我哋要告599G（限聚令），被告人会唔开心，要炒牌，被炒嘅人唔开心……我哋总唔能够因为要人开心而唔去执法，执法系我哋天职嚟㖞，唔系为咗要人开心而唔执法。”

“我哋警察都有卑微嘅愿望，我哋凭良心执法，有人犯法就要拉。纵然工作唔受人欢迎，暴乱下无人想做十几个钟、无人钟意被人打到头破血流、无人钟意家爷仔乸被起底，就算结婚摆酒都被人搞……就算点被人指控，我哋都咬实牙筋做好自己。”

“边个犯法就拉”

警方早前拘捕15人，涉操控壹传媒股价，有区议员质疑拘捕行动有针对性。邓炳强反驳称：“唔好意思，我唔系金融官员，边个犯法就拉，如果你话拉就影响金融唔好拉啦放过佢啦，唔好意思我做唔到……”

有区议员关注警方过去一年执法行动，指摘警方“攻入”中大及理大。邓炳强说：“理大同中大事件，大家唔好本未倒置，点解会有理大同中大事件，我哋从无攻入校园，我哋只系保住二号桥唔好被人掟嘢落去，呢个系警察好卑微想做嘅嘢……理大事件我哋当日围捕佢哋，如果唔系下一可能系港大、浸大、城大，我哋并无攻入校园……同事最长工作60个钟头，其实我哋系用血肉保护咗大家。”