【肯定香港制造．多图】用本地莲子做月饼　味道竟然完全唔同

由田里的莲花、莲蓬，究竟如何摘出莲子，变成莲蓉，再造成月饼？长春社与圣雅各福群会“土作坊”合作推出“塱原土作月饼”，在长春社“禾．花．雀．塱原生态农社”的上水塱原湿地采收生态莲子，由并基层妇女和长者制作成月饼，全程本土制作。

圣雅各福群会社会企业营运主任黄敏仪向《香港01》记者表示，本土制造的传统月饼系列已推出多年，而今年更搞搞新意思。“好多时街坊自己嘅仔女，都会钟意食冰皮月饼。我哋主要希望做无添加、健康嘅食品。推出冰皮系列，如果唔钟意传统月饼，都可以食到本地莲子做出嚟嘅月饼。”

黄敏仪指，他们制作的莲蓉跟一般人印象中的莲蓉有很大分别。“直头第一次食嘅时候会觉得‘吓？呢个系莲蓉月饼嚟㗎？’因为大家平时食嘅莲蓉，好似去食酒楼嘅莲蓉包或者寿包，莲蓉有啲似浆糊，味道好甜。我哋嘅食起嚟清甜，而且唔会好黏口，有少少沙沙地嘅质感。”黄强调，莲蓉是100%本地莲子制做。莲子肉蒸过后磨成蓉，只加入有机糖及有机山茶油令莲蓉更滑并有少许甜味。

对于手制莲蓉跟市面莲蓉为何有天渊之别？黄指︰“我都只可以同客人讲，我哋系用本地莲子整嘅，原来正常莲子整出嚟嘅味应该系咁，不过系由细到大，食得太多唔系真正用莲子做出嚟嘅莲蓉。”

今年塱原的生态莲子大丰收，但产量其实都只是13公斤，预计可制作110盒月饼。黄敏仪指，“生态莲子比市面买到嘅莲子贵好多，一来系以生态友善方式种植，二来我哋需要人手喺莲蓬拆出莲子，然后去衣、去芯。喺香港地人工一定唔会平。”

收集好并处理好的莲子，交由18名基层妇女和长者制作。“十年前最初嘅时候，由一般嘅妇女负责，唔喺做厨房或者造饼出身，所以揾师傅嚟教，研发咗本地莲蓉月饼。妇女学多宜家有多年经验，由佢哋变做师傅，教新加入嘅街坊。”这些月饼结合了本地农夫及本地基层妇女的手艺。

由于本地莲子产量有限，所以月饼亦非常抢手，订完即止。黄敏仪表示，过往有公司想订二千多个月饼，“因为我哋一定系用本地莲子，我又唔会用其他莲子。唯有建议佢订红豆或绿豆月饼。”黄续指，我们社企不想浪费，真的有订单才会做，“唔想好似出面咁，卖唔卖到都做咗先。”健康无添加的月饼需要新鲜制作，“传统月饼星期三攞，星期二先至焗。”月饼按著订购量生产。如欲订购，可在9月14日前在长春社Facebook专页下载订购表格。