【李嘉诚退休】诚哥版“施政报告记者会”金句　教你点拣老婆

长和系今日（16日）发表业绩，集团主席李嘉诚一如以往在记者会上“大派金句”，只言片语都足以引起社会关注。除了谈到自己公司、香港政治环境，李嘉诚亦罕有提醒青年择偶时要注意的事项。一问一答，李嘉诚退休记者会金句不少，你又认同几多？

训勉年轻人

如果有年轻人，大学未毕业嘅，女朋友同佢讲：“你如果无楼，我唔同你结婚。” 我系男嘅，会讲：“你（女友）趁后生，揾个第二个！” 呢个系不正常。

我12岁来到香港就要做嘢，未够14岁佢（爸爸）就过咗身，当时都系近于贫。 你自己肯做，一样都系，样样嘢系正路。 无一个penny（便士）系唔应该赚嘅，赚出来。

楼市过去两年，高咗一倍钱，楼价和一般市民收入，脱咗节。政府要起多啲公屋、多啲居屋。

力撑公司历年发展

经济知识都无嘅，先会讲走资。我呢头卖嘢，呢头就去投资。 讲走资，我只能置之一笑，连一般知识都冇！

世界唔系太多公司有5,000倍回报。

我讲真话，会得罪好多朋友；但我讲假话点解要出？我又唔想讲假话。

与中央关系

如果我有资格投票（修宪），等习主席连任多期嘅，我会一样投畀佢

几好㖞，讲晒！ 我个人呢，绝对唔会讲啲唔应该讲嘅说话。

佢（李泽楷）自己系北京政协，个职位系佢自己，真系忙到无去开会，好少去开会。呢个系事实，但系绝对唔系佢唔爱国家，佢都系好爱国家嘅人。绝对唔系人家所谂嘅嘢。

支持一地两检、林郑月娥

一地两检， 咁着数嘅嘢，绝对绝对系啱嘅事。有一国，然后有两制。

我一定会坐高铁去汕头！

政治嘅嘢，多数都要compromise（妥协），都要融合。大家要折衷，要合理。

我认为林太做得好好，尽心尽力为香港做事。批评容易，做就好困难。 我感觉佢全心做好，相信佢工作时间，比你同我都长。