陈欣健曾打造《火热动感LaLaLa》捧红巨星　开骚获安仔Sammi力撑

72岁陈欣健昨日（10月30日）举行《陈欣健EVEN NOW此情此刻浓情金曲圣诞夜演唱会》记者会。除了获两位爱囡到贺，更获《反黑》演员如：吴岱融、姜文杰、潘伯仲、导演宋本中等现身支持。陈欣健对咁多位老友撑场感到欣慰，又表示今次是“栋笃唱”形式，开骚时更会有如许冠文、梁汉文、Christine Samson、李思捷等嘉宾助阵。

陈欣健（Philip）接受《香港01》访问时表示：“其实我早喺1963年组Band，当时系全香港第一队校园英文Band，所以我早早已经与音乐有不解之缘。当年我读完书之后去咗做警察，之后入咗娱乐圈以影视业为主，但我都有在电影《跳灰》唱咗首《大丈夫》。其实我之后都有做好多音乐骚，又做主持又唱歌。自加入TVB之后先真系少咗唱歌。不过最近有朋友鼓励我开骚，我𠮶位朋友帮过陈奕迅、张学友、周杰伦开骚，佢既然对我咁有信心帮我搞，我为咗感激佢嘅眼光，当然要全力以赴啦。而且我觉得今次开骚嘅态度犹如香港人精神。只要你喜欢一门艺术你一定要坚持，全力去做，不停创新，上天既然俾健康我都系想我做好啲个骚。”

提到今次开骚获多位好友支持，连不能抽空出席记者会的好友如：岑建勋、吴耀汉、许志安、郑秀文、甄子丹等也拍片支持，Philip表示：“好感恩有一班老友支持，今次开骚会有不同年代有代表性嘅人出现。”又提到90年代唱片业最为蓬勃的时代他曾任“华星唱片”高层，当时的跳舞hit歌《火热动感LaLaLa》正是他造就予郭富城、许志安、郑秀文及梁汉文合唱，“当年唱片业咁兴盛，都唔可以话系我栽培佢哋，当时嘅娱乐只有电视、电台仲有唱片。我深信郑秀文，许志安仲有梁汉文个个都会红。不过我喺华星时期梗系想再加多两钱肉紧帮下年青歌手。所以由郭富城再加埋佢哋一齐合唱。”

提到在是次活动中他找来香港女子组合Bingo现场唱出《火热动感LaLaLa》，而且她们将会与男子组合天堂鸟一同录制全新的版本。Philip表示：“我觉得《火热动感LaLaLa》应该要一代传一代传承落去，我有一样嘢叻就系睇人。我睇人好少睇错。我觉得呢个人得就得，至于佢哋得到几多就要睇佢哋再愿唔愿意勤力多啲。我觉得组合Bingo好难得好团结，愿意去接受人哋嘅意见，又会花时间改进自己，唔会同人斤斤计较。所以只要大家肯俾时间佢哋，佢哋将来一定会成为跳唱皆能嘅成功组合。”

在忆起《火热动感LaLaLa》时，Philip再三多谢安仔及郑秀文的支持，“自我离开华星后，我同安仔郑秀文大大话话有差不多20年无联络，因为大家一路都好忙。但喺几年前嘅演艺人协会晚宴入面同佢哋倾偈。当时晚宴尾声，好多人都走咗，而我又一个人饮紧酒，忽然有人拍拍我膊头，原来系安仔，旁边仲有梁汉文同埋郑秀文，佢哋都拎住杯酒然后同我讲：‘好多谢你𠮶阵时咁支持我哋。’我听到一刻真系好感动，我同佢哋讲：‘其实我𠮶时真系好锡你哋。’奈何姻缘际遇下我哋咁多年未能好亲密。今次佢哋咁有心支持又拍片而Edmond又做嘉宾我真系好欣慰。”