决战葡京之巅｜杨证桦主演Cult片翻Hit 亲解7分钟重述1句对白原因

做演员很奇怪，有时你拍了一套作品，可能冇人睇、冇人知、冇人讲，但随住科技发达，有一日这些本来以为已石沉大海的作品，却会突然出土，杨证桦、林伟雄主演的《决战葡京之巅》正是一大实证。这套2000年的Cult片之霸，片名向刘伟强执导、刘德华、郑伊健、张家辉、赵薇和杨恭如主演的《决战紫禁之巅》致敬，但内里当然就是完全无关的另一个故事。23年后，YouTube频道“梁仲文化”拍片讲这套戏有几烂，却竟成功引起热话，Hit到有放映会，连主角杨证桦都搲头，他接受《香港01》访问时表示：“我到而家睇返都唔知拍咗啲咩！”
场地：Glasshouse Greenery
摄影：梁碧玲
摄录：林志龙

观众对杨证桦的认知，大多来自于他在TVB拍过的剧集，原来入行初期，他拍过一套现今忽然被捧成经典Cult片的《决战葡京之巅》，电影片长90分钟，港、澳两地取景，但就完全冇剧本，一个长镜可以7分钟影住杨证桦不断重复：“洪爷、Suki、平头装……”对白，3分钟一镜到底影林伟雄饮完整杯冻柠茶，不止观众问：“我睇紧啲乜嘢？”就连杨证桦都说：“我到而家睇返都唔知拍咗啲咩。”

杨证桦说这类电影是“鸡精版电影”，拍来简单求其，而编剧朋友万力问他接不接戏，自己当年是新人，有机会当然什么都做，“接完，问佢有冇剧本，佢话冇啊，我话：‘吓！冇剧本？’”就是这么搞笑，虽然有编剧，不过冇剧本，一套90分钟的电影，原来仅得四句故事大纲，听听杨证桦怎么说：“佢话呢个关乎一个澳门杀手嘅故事，你演绎一个杀手，遇着一个过气杀手，当中有个老板叫洪爷，秘密操控住你哋，佢有个亲生女叫Suki，你记住呢四样嘢就得，自由发挥啦！”满头问号的他，每拍一幕就谂：“得唔得㗎？”他坦言这套戏确实是烂片，现在回望得啖笑。

记者问杨证桦，你的编剧朋友怎么要拍一套如此冇内容的戏，他就觉得：“从艺术角度，我都唔知佢玩紧乜嘢，但作为一个演员，我接得，佢叫我咁做我咪做啰，我都唔知剪出嚟个制成品会系咁样㗎。”其实千禧年代有不少同类电影，卖埠为主，即使VCD封套上的资料全错都冇人理会，除了《决战葡京之巅》，万力编剧和监制的还有《半支雪茄》、《魔梦》、《灵界转生》等，全都是二次创作其他片名再衍生另一个完全不相干的故事，各位有兴趣可以翻睇，但当然，全部都一样冇剧本啦。

杨证桦说，自己当时只能把《决》当是艺员训练班的即兴剧演绎，讲到戏中还有近年已转行做素食厨师的林伟雄（现名：林云中），两位的化学作用可以用尴尬形容，讲错对白不Cut机还得继续演下去，他就笑说：“本身话佢系第一，我第二，其实都冇话㗎喇，搓匀佢，你噏得多咪第一，噏得少咪第二啰，同佢斗掟嘢出嚟咋嘛，如果唔系点会衍生到……‘Suki、洪爷、洪爷、Suki、平头装、平头装……’讲到冇嘢咪捞返出嚟，其实全程喺度捞，冇办法，你冇资讯呀！”

至于这套陈年旧戏何以突然翻Hit，就要讲到YouTube频道“梁仲文化 LEUNGCHUNGMANFA”，本身都是电影圈中人的梁仲文，两个月前用搞笑啜核方式介绍这套Cult片，至今获7万多人收看，相信已劲过当年票房好多倍！杨证桦对此事本来不知情，但竟然很多朋友跟他说：“喂，好Hit㖞你而家！”他其实不明所以，并续说：“好多TVB导演同我讲，话你𠮶套嘢好正，我话有几正？四个point，冇对白，冇剧本，自由发挥，一个Long-shot好长，冇嘢搞㖞，佢话总之正啦！”

梁仲文见反应甚好，曾举行放映会，而之后他亦有私讯过杨证桦，邀请他连同当年班底延续热话，饰演洪爷的莫伟文都有份一齐拍摄，可惜编剧万力就忙于北京的工作无缘参与，“梁仲文叫我揾返个编剧，编剧都话好，佢都想参与，但系佢喺北京唔得闲，而家喺大陆发展紧，仲做埋导演添。佢再加多咗一个演员，到时睇吓，大家密切留意！”从杨证桦提供的花絮相中，见到游学修与倪安慈，估计很大机会在“试当真”有得睇呢！