流水落花专访 | 导演贾胜枫受女儿启发 “父母唔系单向为子女”
贾胜枫，香港新晋导演，曾是周刊的文化版记者，随著网络影片的兴起，阿枫在访问、写文之余，还要影相、拍片，以及创作些简单的脚本，由此开始拍一些短片，后与partner开设制作工作室专注拍片，由鲜浪潮、创+作等短片比赛开始，到现在第一部长片——《流水落花》，以寄养家庭为主题，由郑秀文、陆骏光、谈善言主演，一举获得第41届香港电影金像奖3项提名。
受女儿启发创作《流水落花》 探讨父母与子女之间双向关系
这天阿枫一身休闲装扮现身，真人比上镜更加年轻，访问期间得悉他有一个女儿，也正是启发他与太太创作《流水落花》剧本的灵感之一：“我哋成日话父母养育小朋友，即系我哋畀嘢佢，我哋有恩于佢，但我哋经历觉得，其实调返转，好多时小朋友畀好多启发你，佢唔系同你讲道理，会用一个好简单直接嘅一句说话，或者系一个动作，就话畀你听其实系咁，咁你喺呢方面就领略咗好多。其实父母同子女之间关系并唔系一个单向，好多时候小朋友调返转会令你反思自己点样做一个更好嘅大人？点样做一个更好嘅父母？”
就这样，阿枫便思考创作一个关于父母同子女之间双向关系的剧本，但如果只是讲一家三口的故事，似乎又太普通，于是便想到“逆向公路片”形式：“主角唔郁，啲人系咁郁。”思考过程中，阿枫想起帮很多亲戚凑小朋友的外母：“佢同我外父嘅关系本来好差，日日闹交，但当有两个小朋友嚟到之后，唔知点解系有好magic（奇妙）效果，即系佢哋令到成个家庭气氛突然转变，好似大家都好开心，感情好咗，但个小朋友都冇做过乜嘢，我喺度谂，小朋友有乜咁大嘅力量，可以令到一个家庭成个气氛转变咗呢？”
其二，阿枫当时认识了一位以前是寄养儿童的朋友，闲聊间才了解到原来寄养家庭是怎么一回事：“佢讲咗好多故事畀我听，其实寄养家庭可能系一个好特别的家庭故事，又可以做到我想探讨父母同子女之间关系。”
自认家庭题材有把握 花半年至一年时间资料搜集
近年来因为疫情关系，市面上有很多家庭题材的电影，《流水落花》的问世也似是一切时机与缘分的使然，而阿枫过往的两条短片也是以家庭为主，首套短片《飞往父亲的鸟》灵感就是来自爸爸。“作为新导演，主要想拍一些题材系自己有把握的，家庭永远都喺你附近，好容易攞到题材，加上budget（预算）上，做一个家庭故事都会比较充裕啲，我亦觉得所有story起点永远都系由一个家庭开始，甚至乎一个终点都系一个家庭故事。”
关于《流水落花》的资料搜集，阿枫与团队用了半年至一年左右时间，走访社署与NGO寄养、领养部门，与有相关工作经历的社工、寄养父母、小朋友等聊天，了解背后的原因、生活、变化等。但犹如影片的形式所示，寄养父母身边的小朋友来来去去，一时斩缆令人难以接受。“呢个系必须嘅，一定要嘅。”阿枫讲道：“我听过一啲寄养家庭一开始其实都几唔惯嘅，因为你建立咗感情，突然之间原来下个礼拜要走，真系唔舍得嘅；咁但系过咗几个之后，佢哋开始惯呢种模式，即系容易放手，个心变咗好坦然，甚至乎为佢哋开心，因为（对）佢哋其实系一件好事，揾到领养，佢可以揾到个更加稳定嘅屋企，揾到真正领养佢哋嘅父母。”
首套电影获张叔平、文念中加持无压力 现场提醒郑秀文转换情绪
简单浏览下《流水落花》的主创名单，会发现除了郑秀文之外，还有张叔平、文念中两位重量级人物加持，原本以为阿枫可能会有压力，他却笑谓：“完全冇，反而系我第一次拍电影，惊一啲决定上面我做唔到，令到佢哋唔系好知我讲咩，或者我嘅要求唔系好清楚嘅时候，我惊佢哋都会觉得有小小捉摸唔到我，咁最尾其实都冇乜，大家沟通都好好。”至于如何导戏Sammi，他表示主要是现场调教：“譬如讲佢有啲位，可能上一场戏，假设佢做紧一个情绪比较高涨嘅一段戏，咁下一段可能未必接住，我哋拍另一场戏，咁佢可能会将呢一种情绪带过嚟呢度，咁我就会（提醒）呢个情绪系上一场嘅，我哋呢一场需要冷静啲，咁佢一听就‘系㖞’，因为有时演员佢演得好投入嘅时候，佢好难以第三者角度再睇返自己。”
今次Sammi在戏中饰演的“天美姨姨”是一位不折不扣的师奶，为角色下了不少功夫：“佢睇𠮶个剧本开始，已经有好多问题会问，譬如一本剧本咁，一页纸系我哋剧本，后面系空白嘅，佢成日都（写得）密密麻麻，我一开始以为系咪咁多问题。”阿枫将他观察到的细节说出：“原来佢系做咗好多notes（笔记）畀自己，咁我哋再倾，𠮶样嘢系咪真系咁。”
郑秀文不抗拒丈夫出轨情节 阿枫望带出人与人之间聚散离合
戏中有一幕是饰演Sammi丈夫的陆骏光出轨，谈及这个情节设定，阿枫解释道：“因为我哋想讲嘅就系天美姨姨好专注去凑小朋友而忽略佢丈夫，所以丈夫先会有一个咁嘅举动，但佢心入边系爱著天美姨姨，对佢好好，呢个本身系故事嘅一part，咁大家基本上唔会有咩抗拒，亦都好认同呢个位系好合理，好自然嘅一个故事转接位嚟嘅。”
《流水落花》的主题虽是寄养家庭，但又不乏探讨家庭、婚姻、生命，引发观众深思。“我觉得其中一样嘢就系父母唔系单向为子女，其实子女调返转好多时会救咗父母，因为佢会令到你不停反思你点样做一个好啲嘅大人，好啲嘅父母；另外一样嘢就系我觉得需要带出嘅就系聚散离合𠮶样嘢，呢个虽然系一个好细嘅家庭故事，一家三口，其实我哋可以放大啲睇，人同人关系就系咁样，你永远都唔知，今日我过嚟好似帮紧你咁样，可能过咗一排你会调返转，原来佢帮紧你，永远都唔知边个帮紧边个，相遇好重要，我觉得呢套戏系想讲呢样嘢。”阿枫如是说。