郑秀文与张艾嘉合作后更多体会演戏　《流水落花》看到演技开窍

时尚盛事“K11 Night”于昨晚（3日）隆重举行，一班名人红星包括郑秀文（Sammi）、杜琪峰、刘嘉玲、周文锜、甄子丹汪诗诗夫妇、黎姿、沈月等都悉数亮相，场面星光熠熠。

Sammi身穿Valentino 2022秋冬高定系列oversize黑色套装亮相，中门大开，型格又不失性感，脚踩中国设计师Sensen Lii的品牌WINDOWSEN近10公分的短boot，非常抢fo，她笑言：“都难行，好重同埋真系好高，咁因为我今日着嘅成套衫都系男装嘅高定，整体走嘅都系放大嘅路线，所以我觉得高啲会好啲，dramatic啲。”

其实Sammi非常喜欢中性打扮，她透露私下买衫都是行男装：“我好少睇女装，其实我自己平时都好钟意着男装，啲西装比较硬朗啲。”至于有无帮安仔拣衫，Sammi就表示对方有自己主张：“佢对衣着舒服为主，佢冇我咁讲究，所以就唔会。”

最近Sammi在IG分享了不少与圈中好友聚会的片段，好似杜琪峰、吴君如、陈可辛等，日前还同舒淇、冯德伦等贺张艾嘉夺金马奖影后，她也非常开心：“其实我同佢都好有渊源，累积咗咁多年，即系大家个缘分终于喺旧年大爆发，就真系终于合作咗一次，好多谢张姐畀呢个演出机会我，同埋同佢合作完，自己对演戏都有一个多少少嘅体会，咁其实演戏真系唔需要成日畀咁大压力自己，成日都好似觉得一定要进步，其实有阵时放松啲去演，尽力去演，可能个效果仲好，咁所以同佢合作完之后，我自己演出嚟紧嘅一部电影《流水落花》就嚟公映，咁呢部电影我就睇到自己𠮶种演戏上面嚟得松容啲，咁我觉得呢个系我演技上面一个开窍。”除此之外，Sammi也感叹很久没有见到舒淇：“大家成晚坐埋一齐都好多嘢倾好开心啦个饭局。（有冇谂过合作下？）梗系好啦，如果真系有好嘅剧本，同埋成晚大家就研究下扮靓嘅心得，都有讲下电影嘅。”