致命24小时 | 吴卓羲乐做变态角色　汤怡为拍戏愿牺牲︰全裸上阵

吴卓羲（Ron）同汤怡（Kathy）今日（18日）亮相新城电台参加薛家燕主持的节目《开心大派对》，两人联同潘灿良主演的新戏《致命24小时》即将于明年1月6日上映，对于两人首次合作，Ron直言开心、兴奋又过瘾，更大赞Kathy专业。

虽然今次Ron在戏中做反派，但他直言无压力反而好enjoy：“我最钟意做反派，其实今年我都拍咗几部系反派嘅电视剧同埋电影，我好钟意玩呢啲嘅，执枪执得多都想执刀啦，咁所以我钟意啰，直情系好感，唔系反感，畀观众睇到啲新鲜感嘅嘢。”

戏中，Ron虽不及潘灿良变态，但会上演杀妻戏份，与过往正派角色相比堪称极端，不过他直言：“睇内容就知道我都系被逼嘅，有苦衷嘅，我都系被人要挟嘅，即系如果唔系杀佢，我就要坐一世监，咁横掂都要坐一世监，我不如杀咗佢先。”

甚至如果要做灿sir角色，Ron也非常乐意︰“OK！点解唔OK？几好呀，起码佢被人绑住先啦。（但要系咁虐待人㖞？）做一个变态喺演戏嘅世界系好玩嘅，即系你人生唔会真系做呢啲嘢，你冇谂过你会做呢啲，但系你拍戏可以做得到，你可以（发现）原来自己演起上嚟都有变态嘅一面，咁都几好玩嘅。（对手系女仔要就住？）其实都要睇导演点安排，即系导演要我大力啲我咪大力啲啰，要我舔咪舔啰，要我锡咪锡啰，我哋都好顺从导演，当然我哋每一个演员同对手都要沟通嘅，即系一阵间我会点做点做，当然唔可以乱嚟。”

Kathy早前透露，拍完这套电影时留下不少阴影，要花时间走出角色，但并不抗拒再拍同类戏：“其实今次对我嚟讲系好大嘅挑战，因为之前未演过，开头都谂紧自己做唔做到嘅，但我觉得要突破嘅时候就要去试，今次试完之后我又觉得几过瘾㖞，虽然𠮶阵时拍嘅时候情绪系争啲，但而家睇返个成果，又觉得不如下次又再试可能再更加大胆嘅角色。”

戏中有一幕Kathy冲凉的镜头，她之前曾表示尺度可以再大些，被问及最大底线时，Kathy坦言：“当然睇剧本需要，都系同导演沟通下先知。（全裸都OK？）我今次都全裸嘅其实。（色相如果再劲啲呢？）咁我又唔抗拒去挑战呢个嘅。”

被问及旧爱洪卓立声带肌肉弯曲问题，Kathy也大方回应：“我知道佢唔舒服都唔系最近嘅事，即系之前已经有，咁我知道佢系好take care自己嘅，我都会慰问下佢。”