感动她77次｜蔡卓妍拍拖重细节　“浪漫系润肤膏用晒会买畀我”

由邱礼涛执导，蔡卓妍（阿Sa）、周柏豪、泰国型男Mario、卫诗雅以及惠英红主演的《感动她77次》现已上映，较早前阿Sa和周柏豪亦有接受《香港01》访问，两位在戏中踏入谈婚论嫁阶段，事实上两位都是过来人，在揣摩角色时有冇将自己的经历代入。
摄影：梁碧玲

阿Sa率先讲到《感动她77次》是《原谅他77次》的续集，阿Sa：“《原谅他77次》讲到大家唔记得咗点去爱，今次系点去揾返个爱，都系探讨爱情嘅难题。”周柏豪都补充讲到：“我个角色Adam好多事都表现得唔成熟，今次就唔同啲，都真系做咗好多事去感动阿Sa，挽回唔少分数，同埋个结局真系好好，自己好期待。”

问及两人如何看待爱情时，阿Sa表示：“而家同细个唔同好多，细个可能会谂要嚟一场轰轰烈烈嘅爱情，反而而家会想拖慢些少，唔系话一嚟就每日都要有特别，长期处于高位上。加上女仔大个咗，个种浪漫、情趣系有唔同，以前觉得收花收礼物好浪漫，而家系比如留意到我支润肤膏用晒买俾我、食饭留好味或者第一嚿俾我，呢啲就好浪漫。”

对比起阿Sa，周柏豪反而觉得另一半跟自己的价值观相等才是最重要，他：“我成日都觉得唔使特别好，因为自己都未必系最好，最好系价值观相同，最好系大家不约而同睇到个样嘢系靓，睇到个样野系错，大家一齐觉得错，咁就已经系最好嘅配搭。”

而当问到周柏豪婚前婚后最大的改变。“时间，时间的确好难就，一嚟自己做呢行，可能㖊日收凌晨3点几，今日一早8点几又要出门口，如果另一半唔能够体谅或帮助，真系会好难相处，不过呢十几年来都过得好好。”

点击睇更多靓相：