感动她77次︱卫诗雅笑称戏份少　直言为角色可以去到尽：剃头都OK

由邱礼涛执导，蔡卓妍（阿Sa）、周柏豪、泰星Mario、卫诗雅主演的爱情片《感动她77次》今晚（28日）举行首映礼。

问及卫诗雅今次跟上次的角色是否相同时，她回应：“同一个角色嚟嘅，今次唔同嘅系成个人成熟咗，识得放下，同埋最大分别系少戏份好多，因为上集已经畀人飞咗，今集就有少少好似缠绕住佢（周柏豪）咁，有尝试去争佢，但争唔赢，所以戏份得好少，得三日就拍完。”

讲到今集的外形跟上集有很大分别，卫诗雅回应：“系呀好大差别，我自己头先经过睇到预告个心都离一离，家乐见到话‘点解你成粒鱼蛋咁样’，真系好圆。因为个段时间我拍紧另一套电影（《除暴》），特登飞番返嚟拍个几日戏，所以个状态仲系好大只，我冇得剥衫咋，手瓜好似男人咁恐怖。唔知你哋有冇听话狗食爆骨丸，我就好似咁，我连个头都大咗个码，加上上镜再肥啲，有啲恐怖，如果见到手臂系会吓亲人。而家希望再瘦啲，始终上镜会肥啲，蚀底啲。”

而卫诗雅接下来将会首次拍古装，她说：“反而我未做定妆、造型，所以我未知佢会想要我系咩嘅身形，应该会同而家差唔多，不能够太圆，对我嚟讲好似入咗另一个世界咁，因为我未试过，第一次拍古装觉得好幸运。我成日周围同人讲好想拍古装，终于愿望成真，每日都好期待，人睇剧本睇下有啲咩可以玩。（咩角色？）其实系科幻，同妖有关，会妖法少少，目前自己唔敢再大变，拍古装会改晒你全部野，甚至乎可能要剪头发。（剃头得唔得？）我得啊，剃头OK啊真系，反而大胆尺度我唔敢，造型、身体、外形我绝对OK。”