《被消失的凶案》 罗守耀参照水箱藏尸案 ：极悬疑结局会出人意表

由罗守耀编剧兼导演的悬疑电影《被消失的凶案》，请来御用班底张兆辉、任达华、邵美琪以及洪天明、陈静DaDa、林雪，故事讲述大厦重建，发现被深埋八年的人体残肢，在疑点重重之下如何破案。

既老板又是编剧、导演的罗守耀接受《香港01》访问时表示：“而家开到戏的确好开心，故事谂咗10年，一路都等紧机会，因为题材都好偏，不过到咗而家就唔再谂呢啲，自己想做嘅就做咗佢，故仔题材来源自一个真实案件，1983年嘅水箱藏尸案，因为个结局几奇怪，我哋呢套戏唔系重拍，不过有用佢嘅灵感，最特别嘅地方就系杀人凶手承认杀人之后，去到终审法院，陪审团一致裁定自卫杀人，当庭无罪释放，觉得整件事好趣怪，所以拎嚟做题材。”

而讲到今次的御用班底时，罗守耀笑言：“首先呢部系港产片，同埋而家演员系难求，知名嘅演员肯嚟已经好开心，可幸叫到啲老朋友返嚟帮下手，天明拍《黑拳》合作过一次，陈静同何华超就未用过，不过大家都合作得好开心。”