洪天明直言曾志伟开声必重返《奖门人》：呢个时势好需要睇开心嘢

由罗守耀编剧兼导演的《被消失的凶案》今日（21日）开镜，戏中除了他有多次合作开的任达华、邵美琪、张兆辉外，更邀请到2006年曾合作拍《黑拳》的洪天明担任男主角，戏中洪天明饰演患有类风湿关节炎及湿疹的“烂面超”。

洪天明接受《香港01》访问时都特别讲到今次角色好大发挥，他：“呢个角色患有类风湿关节炎同湿疹，其实如果有同样困扰嘅人都会知道，好容易因为香港湿热嘅天气搲到皮肤损晒，所以每日化妆都要花3、4个钟，卸妆都需要1个钟。戏入面我面、颈、身都需要，同埋类风湿关节炎更有机会令到关节变形，都需要用到特技化妆，之前同导演合作都系拍动作嘅戏，今次唔系动作反而系另外姿态上。”

洪天明更透露现时剧本仍在修改当中，例如同陈静Dada的关系、最后一场动作戏等等，问到跟Dada的感情戏有冇大突破？洪天明笑言：“未知，本来就有亲密场口，（使唔使报备？）我讲咗架喇，我一知道已经同太太讲：‘我同Dada可能有场激烈嘅戏’，不过仲同紧导演讲需唔需要，因为后尾觉得场戏嘅演绎方式同场戏未必一定要有，目前仲沟通紧。”

最后讲到近日曾志伟重返TVB，身为最强“奖金猎人”的洪天明又有冇受到邀请呢？洪天明先回应：“唔知㖞，奖门人叫我哋返去尽量都会帮手㗎喇，唔知我哋每个人工作时间配唔配合到，如果时间配合到咪返嚟帮手做主持，可能一齐做2、3个月，如果配合唔到咪做客串嘉宾或客串主持，主要都系睇时间。（佢揾咗你未？）其实未宣布之前已经同我讲咗，𠮶时咁啱我哋一齐喺内地，佢有讲到自己嚟紧会点，我都话好吖，如果有需要就叫我哋，我哋一定会返去帮手，我谂香港而家嘅电视节目好需要开心嘅嘢，我亦都有好多朋友问几时会做返，因为好多人都睇咗成廿年，都希望呢个时势、环境睇返啲开心嘢，个人会开心啲。”

相关文章：洪天明逾二千呎三层独立屋曝光　离港8个月终回家与子抱泣好感动