【新喜剧之王】杜汶泽睇完忆老临生涯　为一句对白狂NG返屋企大喊

拍过不少贺岁片的杜汶泽，原来对此片种兴趣不大，不过在今年一众贺岁片中，他就拣选了周星驰执导《新喜剧之王》，看罢更感慨良多，勾起他当年初入行时，为一句对白讲极唔好狂NG而喊的往事。

为一幕而流泪
日前阿泽看完《新喜剧之王》后，便漏夜在fb贴文，说出该片最感动他之处。“今日见到《新喜剧之王》入面个女仔，佢一听到只要见到样，就算唔使钱都肯做咖哩啡嘅时候，佢揸住盒饭盒，背景音乐《天鹅湖》一出，我嘅眼泪已经流出嚟。”

呢一幕，就令阿泽当年初入行，某日在清水湾一厂收工的晚上。“𠮶日我不停NG，虽然只系一个连名都无嘅band 仔角色，而𠮶日我只系得一句对白啫！我都演唔好、我都讲唔到。返到屋企，我喊咗好耐，觉得自己好无用。我发誓我一定要做好佢，唔可以比（畀）自己再侮辱自己有得做演员呢个机会。”

除了这一幕，戏中有些对白亦令阿泽感同身受。“你觉得你有机会咩？永远都无！”“永远即系几远呀？”“永远即系由而家一直到宇宙灭亡.......”阿泽︰“或者响好多人心目中，梦想系不切实际嘅！但系我觉得，无梦想嘅人生，至系真正嘅不切实际。”

咁大感触，因为阿泽自觉好幸运，可以以自己想做的工作作为事业，“如果你觉得梦想，只不过系人生嘅奢侈品，唔值得放弃任何嘢去追求，咁你嘅一生，其实就过得更奢侈，更浪费。”最后他更二创《少林足球》的对白激励自己︰“容许我份人系咁真，我从来无放弃过成为一个伟大演员嘅梦想。”