阿妈要求用消费券买iPhone送细妹　港女拒绝被排挤　网民：非老奉

【电子消费券2022／支付宝HK（AlipayHK）／BoC Pay／八达通／PayMe／Tap & Go（拍住赏）／微信支付（WeChat Pay HK）】亲情勒索？有港女于讨论区发文大呻，近日妹妹的手机跌坏了，由于未满18岁，未能拿取消费券，妈妈竟然要求她用其消费券买手机送给妹妹，妹妹还不客气地指明想要价值至少8499元的iPhone 13 Pro，她拒绝后，妈妈和妹妹立即生气及排挤她，令她也感到很气愤。

该名港女于香港讨论区以“好嬲呀！阿妈要我用我啲消费券买部电话畀阿妹”为题发文表示，妹妹经常乱放手机，日前更因此跌了手机在地上，结果坏掉了。妈妈知道后对妹妹说“唔紧要啦”，之后居然要求作为姐姐的她用自己的消费券，买手机送给妹妹。

她指出，“明明系我啲消费券，咁同我出钱买部手机畀佢有咩分别？阿妹仲指明话要iPhone 13 Pro，消费券都唔够畀啦”，又说平日已什么也迁就妹妹，每月会给6000元家用，不满妈妈没问过她的意见就直接要求她。

她表示，自己原本已计划好如何使用消费券，因此拒绝妈妈的要求，结果妈妈和妹妹“嬲咗我”，天天无视她，“食饭又唔拎我对碗筷，同佢哋讲嘢仲要扮听唔到，真系好嬲呀”。

有网民批评楼主妹妹“大想头”，“阿妹未成年冇消费券，做家姐如果有消费券系可以送少少礼物畀阿妹，但唔系畀佢狮子开大口啰，一嚟就话iPhone 13 Pro，免费都唔使食咗人只车呀？仲要衰到唔送就嬲咗人，咁冇礼貌、咁冇家教，畀我就一蚊都唔送，或者最尽畀自己𠮶部佢，自己买部新”。有人指出，“既然自己唔想将自己的钱咁用，就唔好勉强”、“要坚持自己原则呀，唔好就范，除非你好想送畀细妹啦”，不过也有人认为“做家姐买嘢送畀阿妹有咩问题？大方啲啦”。

有网民提出解决方法，“要买叫你父母买啦，又唔系老奉阿哥家姐买”、“钱都未识揾就学人洗钱？叫你阿爸阿妈买部二手机畀你阿妹用啦，宠惯晒！”、“买电话畀阿妹系可以，但系唔使买咁贵”、“一人退一步，你话拿一半消费券，赞助妹妹买手机，另一半你想买嘢”、“大方啲，如果你已经出嚟工作，5K唔算系大数目，你应该同阿妹讲，买手机畀妳无问题，阿妈都有5K啰，佢出几多，我照出几多”。