人肉霸位！男女企咪表位　港女突爆粗闹司机　网民：为出镜去咁尽

人肉霸位还如此嚣张？日前有司机分享车Cam（行车记录）片段，指新年期间想泊车遇1对男女人肉霸位，更被爆粗侮辱。事发时他正要接载朋友，不想停泊路边被赶离，因而驾至咪表停车位，却遇2名男女站于白格内拒让位，又称同行车辆正前来准备驶入。双方纠缠一会，楼主表明接载朋友后会马上离开，两人才无奈退回行人路，让其驶入。不过当中女子疑不忿被“抢”车位，离开后突然回头爆粗怒骂楼主“唔好X嘈啦，你系咪想年初二俾人X老X呀”，楼主无奈称“佢真系当正自己坦克车，大晒”。

“宜家人肉霸位都可以咁理直气壮咁X人老X嘅咩？”楼主于facebook群组“车cam L（香港群组）”上载2条行车记录片段，显示事发于年初二（11日）晚上9时许，当他驶至葵涌官涌街时，有2名男女站于街边咪表停车位的白色格内，即使见他有意驶入，2人亦没有退让。其中霸位男子以手势示意，指同行车辆正从后方驶来，片主多次强调：“唔可以咁样㗎㖞”，但2人懒理，女子一直“翘埋双手”拒让位。男子之后摊开双手，反问片主“咁你让唔让呀”，片主回复“唔系让唔让嘅问题，唔可以咁样人肉霸位㗎嘛”。

男子又指向片主车头前方位置，貌似想让他驶前再另觅表位，片主只能建议“一系你泊喺我后面啦，因为上客我就走”，又解释“我唔系摆过夜，摆一阵㗎咋，但唔想俾警察赶走咋嘛”，之后男子才示意称“咁你泊啦”。

另一片段显示全程“翘埋双手”女子见同行男子返回行人路，她才跟着离开。之后有声音称“我前面走㗎啦，你要唔要位呀？”，疑霸位男子即时称“要要要，唔该晒”，亦有声音试图调停“唔好嗌交啦！”。片主重复：“唔系位嘅问题，唔可以咁样人肉霸位㗎嘛。”原本霸位男女已行前离去，但女子不甘被骂，突然回头反斥片主“唔好X嘈啦，你系咪想年初二俾人X老X呀”，片主深感不忿终于“爆seed”回应“我X你老X添”，最终由霸位男子拉开女子作结。

片主补充当时虽曾向2人表示，朋友上车后便会离开，请他先停于后方位置等待驶入，但对方以会“停（泊）过夜”为由拒让位，故质疑“咁又点？停过夜就可以人肉霸位嘅咩？”。他又指当时停车熄匙后，女子再度前来“又要打又（要）杀”，更被对方要求下车，因而称“香港人真系好大压力”，“佢真系当正自己坦克车，大晒”。最后片主指2人继续到前方人肉霸位。

片段引来众多网民批评霸位男女，“佢无车就唔好企喺个表位度啦”、“唔系停几耐问题，车到位埋”、“打斜角横放架车喺度，佢架车又入唔到，顶死，大家唔好泊”，又嘲讽片中女子“跌咗落地都要揦返拃沙”，“本来件事完咗，为咗出镜真系可以去到咁尽”、“俾朋友同事亲戚睇到点算呀？”、“车位你嘅，尾彩我嘅”、“新年流流X人老X，唔打X佢算好彩”。不过有人则劝喻“呢啲事日日都有㗎啦，如果对面又纹身、夹袋、金毛金链，你咪唔敢出声，就算俾你泊到你都唔敢泊啦，有时啲嘢睇开啲啦”。

（FB“车cam L（香港群组）”）