人肉霸位！货van为上落货狂褪迫走私家车　1点令司机嬲爆：大晒？

马路上理应互谅互让！有司机上传车cam片大呻，指日前驶经土瓜湾时，见到有食材店员工以手推车在路边人肉霸位，其时相距约3至4个车位外的货van疑想上落货，竟不断倒车“迫退”私家车。片主随即退后想“抽头”，但货van亦后退紧贴，货van司机随后下车紧盯私家车，片主解释无意泊车，但埋怨“你唔系咁样褪后㗎嘛大哥”、“你真系大晒呀，大哥”。货van司机在马路上来回盯住私家车说“我埋紧位呀”。

由于货van未有让步，片主只好自己倒车爬头离去，不忿道“人肉霸位都已经够衰，巴闭到你咁就真系少见，最惨我仲要唔系想泊佢个位”。网民替片主抱不平，认为他已很有礼貌，“想抽出去让佢都仲要顶住，真系乌鸦哥咁”。

楼主在facebook群组“车cam L（香港群组）”上传车cam片，表示他驶经土瓜湾某条街时，有间食材店的客货van想泊车上落货。影片可见，私家车驶入该街道时，左边有2名男女以手推车霸占可泊车位置，其中男子身穿围裙和水鞋。前方约3至4个车位前，有1辆货van正在倒车，疑驶上男女位置想泊位上落货。

私家车驶过路边男女位置，并因应货van在退后而停下，又曾响咹提示。未料货van继续后退，楼主唯有退后“抽头”去旁边行车线想爬头，但他一退后，货van马上倒车，继续顶住。此时货van男司机下车走近私家车，现场传出一把女声说：“唔好意思，我想泊𠮶个位，可唔可以褪后？”

楼主回答“我冇话唔畀你泊呀，你唔系咁样褪后㗎嘛大哥”。货van男司机走近说“我埋紧位呀”，离开时不停回头看向私家车。楼主表示，“我冇理由咁样褪后，我都要行㗎嘛大哥”、“我又冇话泊你个位，你咁紧张做咩啫”、“你唔系咁样褪后㗎嘛大哥”。有把男声问“（片主）边位呀”，货van男司机回头疑向该男子说“佢话冇理由褪后㖞”，然后疑在埋怨楼主，但说话未有清晰录下。

楼主无奈道：“咁我抽出去咩，对面有车架大哥”。货van男司机未回应，出手一拍关上车门，再度走向私家车来回盯着看。在货van拒让情况下，楼主最后倒车行去对面线爬头，货van司司机见楼主驶走才返回车上。

楼主大呻“真系不知所谓”、“人肉霸位都已经够衰，巴闭到你咁就真系少见，最惨我仲要唔系想泊佢个位，做生意都唔系大晒嘅”，在文未标签写上“仲帮衬过佢𠮶下先嬲”。

网民认为楼主脾气已很好，“对答好斯文”，又闹爆货van司机“都抽头走啦，仲郁车仲要落车X”、“连死火灯都唔打，X知你倒咁远泊位咩”、“倒车距离好似唔可以超过10米”，而且楼主当时明显只想前行，“想抽出去让佢都仲要顶住，真系乌鸦哥咁”、“后波想抽都抽唔到啦，前面顶住咗”。

部份网民认为楼主不应让步，更应作出投诉，“唔该都冇声，睬佢都戆啦”、“希望片主唔好嫌麻烦，一定要作出投诉，危险驾驶者一个都不能放过”，又建议“日日最忙碌嘅时间，打个电话畀警察嚟睇睇，等隔篱左右同佢揽炒啰”。

影片其后被转载到土瓜湾地区群组，街坊批评货van司机，“留啲位畀片主抽头走，你咪有位褪后啰”、“重点系人哋唔谂住泊个位，只系正常行车”。

（综合）