自称“哑人”向路人兜售锁匙扣　街坊称常大埔出没　网民咁应对

多年前的“公仔党”再现，不过今次变成卖锁匙扣？最近有网民发文，表示日前在大埔区看到1名男子举牌自称是“哑人”，不停向路人兜售锁匙扣。帖文引来不少街坊留言，有人称该男子多次在大埔港铁站、太和广场等地出没；有人称曾在该男身后发出巨响，未料男子以普通话大骂他，笑言“医好咗佢，不过佢唔识感恩图报”。

楼主日前在facebook群组“大埔 TAI PO”发文，表示早前在街上看到1名男子拿着1块牌，表示自己是哑人，然后不停向路人出售锁匙扣，“系咁指住佢袋入面嘅锁匙扣叫人去买”。他续指，自己曾两度目击该名男子在街上流连，而兜售目标包括学生。

帖文引来大批街坊讨论，有人称该男子经常在太和及大埔多地出没，“见过佢喺大广二楼拎住成串锁匙扣叫啲学生买”、“之前喺太和商场入面见过佢周围叫人买”。也有人表示近日愈来愈多人以类似手法卖锁匙扣，“早几日夜晚喺大埔街市食嘢都有个女嘅走嚟卖锁匙扣，又系举牌话聋哑”、“㖊日我仔自己一个，俾佢哋拉住咗，畀咗钱买，后来同人分享发现而家好多区都有，大家提提身边嘅人”。

亦有网民称曾在该男子背后发出巨响，结果被对方用普通话责骂，“我试过偷偷喺佢后面发出巨响，然后佢弹起咗，仲医好咗佢，不过佢唔识感恩图报，仲X咗我……”、“我试过畀中指佢，之后佢劲嬲走咗”。另有网民建议，下次遇到相关情况可报警求助。