餐厅埋单多收$148　食客反映竟被闹：你都有责任　质疑职员有蛊惑

钱银问题当然要计算得清清楚楚！有网民日前到长沙湾一家以大排档为主题的餐厅用膳，饭后以信用卡付款，离开餐厅后约15分钟才发现信用卡收据上银码有误，被多收了148元。他于是致电向餐厅职员反映，惟对方态度爱理不理，甚至责怪他：“你自己都要有责任睇清楚张单㗎！”楼主翌晚再到涉事餐厅取回多收款项，指2名职员态度依然恶劣，质疑餐厅存心隐瞒事件，又提醒街坊留意账单银码。

“去呢间餐厅帮衬畀啲耐性，唔好嫌嘥时间对晒所有单，咁就唔会好似我咁，嘥时间要再上去问餐厅攞返原本属于我嘅钱啦。”该网民于facebook群组“长沙湾人”发文，指日前到区内一家以大排档怀旧装修及主题作卖点的餐厅用膳，并以信用卡付款，惟“碌卡”时却被多收148元，“当时我望完晚饭张单系$455，跟住畀信用卡个女收银员碌又唔使签名，之后佢就净系畀返碌咗$603嘅信用卡收据我”。

楼主起初还未察觉多收款项，直至约15分钟上车后，才发现信用卡收据银码与晚饭单据不同，于是致电餐厅向职员反映。他指起初接线的女收银员得知事件后，“竟然好冷淡咁话等阵”，后来他再向另一听电话的男职员讲述情况，没料竟遭对方责怪：“收多咗几十元啫！你自己都要有责任睇清楚张单㗎！”

被多收饭钱还要被骂，楼主顿感不满即时反驳，“我话‘而家都系我自己睇到你哋收错钱所以打返嚟㗎，收钱𠮶个系你哋，你哋冇责任净系得我有？仲有咩几十元呀！你哋系收多百几元呀！如果我再嚟帮衬，每次埋单要小心翼翼睇你有冇收多我钱咁牙烟，我仲敢嚟咩？’”。不过他指职员态度依然故我，续指“收多咗你百几元啫！咁你咪嚟攞返啰”。

楼主形容当下非常愤怒，认为2名餐厅职员不但没有道歉，反将责任推卸给他，“餐厅收错钱唔系死罪，我都系埋完单走咗唔够15分钟就打返嚟问，但餐厅两个人听完电话，都冇讲过1句唔好意思，仲要将责任队返畀我”。

直至翌日，楼主返回涉事餐厅取回被多收款项，称女收银员“听到我话嚟攞返㖊晚收多咗嘅钱，就嘴藐藐扮听唔到”。而男职员安排退款后，要求楼主在单据上写上姓名，惟被他拒绝，“我话我净系嚟攞返收多咗我嘅钱，冇其他嘢要帮你”。

事后楼主质疑，餐厅职员或是明知故犯，否则不会如此理直气状，一直没有道歉，甚至反怪责食客，“冇谂到今时今日仲有人用呢啲伎俩揾食”，呼吁一众街坊光顾时要核对清楚收费及单据，直言“要再去帮衬嘅街坊就自己睇路啦”。

有网民看过楼主经历，认为餐厅态度恶劣，“收银收错钱经常有，收多有，收少亦有，重点系态度”、“态度恶劣，情节严重”、“咁嘅态度已经唔会想帮衬”、“之前仲谂住去试试，而家都系算把啦”。亦有网民认同楼主，质疑职员或是存心隐瞒多收费用，“明系呃人，呃你唔到，咪唔顺气啰！黑名单啦！唔好再去啦”、“呢啲下次直接报官”。