返家被邻居系贼办　急call保安再擸櫈防卫　连登仔呻惨：想搬走！

外出回家竟被当贼办？有连登网民近日发文，指同层有新邻居搬进，没料对方首次见到他回家时，竟以为他是准备爆窃的贼人，称他按门钟是“踩线”行为，不但急急召来保安，又在家门前拿着桌椅防卫，最终要保安上门解释一番才化解误会，令他不禁大呻：“搞到而家想搬走……”

网民“现在我有冰淇淋”于连登讨论区以“新邻居对我好有敌意，点部署？”为题发文，指他租住旧式一梯两户大厦的私人单位已有2年，本来与邻居关系不错，但早前对方“买楼搬走咗”，同层单位则已租予新租客，“不过咁多日都无见到”。

日前楼主外出游泳后，身穿背心短裤及拖鞋，背着背囊返家，“返到屋企门口，锁匙又喺背囊底，懒得揾就按门钟，谂住屋企人喺度，点知真系无人”。他于是将背囊放到地上，打算找出锁匙开门，没料这时邻居突然开门，更以为他是准备爆窃的贼人，“我系第一次见到佢，佢劈头第一句就系话‘你唔好谂住爆格呀，我而家叫保安，你唔好走呀’”。

满头问号的楼主只能急忙解释自己是单位住客，惟对方却不相信，“佢好X警惕话‘唔好郁’，仲叫佢老婆打畀保安，自己就攞住张櫈防卫，为免真系俾佢打X我，我就唯有等保安”。后来保安上门，邻居称数日前已见到楼主按门钟，认为他是多次踩线，又指当日“喺防盗眼睇住我按门钟，无人就开袋攞架生爆门”。

最终保安代为向邻居澄清，楼主指邻居得悉真相后没有道歉，反而指他惹人怀疑，“佢先打咗个突，再放低张櫈，开始解释咩咩平时无见过我，话我个样衣衫褴褛唔似住客，个袋似揾食架生先会怀疑”。

邻居的言论令楼主大感无奈，不禁大呻“夏天着背心短裤拖鞋有几X奇呀？黑色背囊又有几可疑呀？生得样衰又无资格租私楼住呀？几十年楼龄有几X高贵呀？”。他又指事件甚至令他有意搬离单位，打算与业主商量提早完约，“搞X到而家想搬走，谂住听日同包租公倾下可唔可以通融下”。

帖文引来网民讨论，有人笑言楼主或真的有令人怀疑地方，“正常冇仇冇怨唔会对你憎恨玩你，除非佢哋真心觉得你系贼”，亦有人建议他找机会与邻居建立关系，“如果我系楼主就买啲小礼物送畀人，多谢佢咁关心自己屋企，顺便化解敌意”、“揾日煲汤预埋邻居一份，重建友好关系”。

不过更多网民就认为，楼主其实得到好邻居，认为他毋须因1次尴尬误会而搬离单位，“呢啲邻居先好㖞，帮埋你睇门口，又肯为邻居出头吓走啲贼，唔通你想要个你拍门叫救命都唔开门嘅邻居咩？”、“唔系爆佢屋企都咁上心，咁有正义感而家几难揾”、“对面多间保安公司，个男保安仲咁勇擸架生，直头要咀啖佢啦，好嘢嚟”。