职场欺凌！打工仔遭经理掟杯袭击、同事杯葛　原因超无奈：做错乜

遇上职场欺凌，转工不失为1个击退负能量的好方法。有任职餐厅侍应的打工仔于网上发文大呻，自问一直以来上班时很有礼貌，工作亦做足，却无缘无故被新入职的经理针对、欺凌，“啲下栏嘢畀晒我做”，甚至向她掟杯袭击，同事们还对她愈来愈冷淡。日前终于有名同事忍不住告知她真相，“话因为我样衰，啲食客见到我都冇胃口，搞到舖头条数好差”，她听完后觉得很不开心。不少网民安慰楼主并建议她尽快辞职，“转工，跟手报警，佢掟杯𠮶下系蓄意伤人，一于同佢玩大佢，等佢永无宁日”。

该名打工仔投稿至fb专页“奴工处”表示，任职同1间餐厅侍应已有数年，原本做得很开心，但自从早前有名新经理入职后，职场生活发生巨变。她说，自问上班时很有礼貌，工作亦做足，但不知为何经理看她不顺眼，“啲下栏嘢畀晒我做，甚至叫我帮洗碗姐姐洗碗，又要搬货”。

她指出，并非介意工作量增多，“但系点解每次都系我一个人做？”，又指经理对她说话语气很差，她下班时说再见，经理都不会回应，“有次佢过分到直接掟只杯畀我，结果跌咗落地打烂咗，之后仲用粗口闹我，话我又整烂嘢要我自己清洁返”。

她表示，本身与同事关系不差，但最近同事都对她冷淡了很多，其后有名同事偷偷告诉她，“话经理叫佢哋唔好同我讲嘢，话因为我样衰，啲食客见到我都冇胃口，搞到舖头条数好差”。她得知真相后觉得很不开心，没料到同事听从经理杯葛她，叹道“有时收工一个人喺条街度喊，都唔知自己做错乜”。

网民纷纷留言指出，“绝对唔关你事，畀信心自己，去揾过份工”、“转工，再上总部投诉”、“转工啦，大把地方请侍应！”、“辞职，冇必要因为份工令自己咁唔开心，东家唔打打西家”、“千祈唔好俾呢啲嘢影响自己，转工，展开新一页，无嘢解决唔到，唔好因为一啲垃圾人嘅负能量影响自己”、“由佢掟杯𠮶下已经可以玩到佢死，闹人我觉得OK，我接受到，掟嘢落人到真系唔得，你识玩，有排你claim佢（索偿），到时公司同你慢慢倾，睇下边个死”。