男孩礼让脚伤乘客先下车　被爸爸误会狂闹　事主代平反却遭咁反驳

勿以善小而不为，简单的道理，小朋友竟然比大人更懂实践？有大埔街坊早前发文，指因脚部受伤，乘搭巴士时获1名乖巧男童礼让先落车，惟对方的爸爸未有留意情况，误会儿子“唔跟住”导致被人摄位，更边行边责备他。事主见状即为男童解释，但港爸却无视事实恶言反驳，故她只好托友人发文，希望安慰男童及表扬他的行为。

“多谢你对我嘅礼让，多谢你嘅善良。”该名大埔街坊托友人于facebook群组发文，指日前因脚伤看跌打，治疗后“包住只左脚”乘搭巴士，坐于上层前排。准备下车时她自感受伤行得较慢，为免阻碍他人故“谂住让其他人落晒先慢慢落”，其间1名男童留意到她的情况，主动“递二手让我落去先”，令她非常感动，“心谂呢个小朋友，识得礼让，好乖好有礼”。

事主指，原来当时男童与爸爸一同落车，港爸下车后“眼尾见唔到个小朋友跟住后面”，随即破口大骂，责备男童“唔跟住”及“自己走咗去”，才导致被她“摄位”。事主见男童被骂后不懂如何反应，“企咗喺度唔敢讲嘢，唔敢表达自己”，遂即时为男童平反，向港爸解释指“我冇摄位，而系小朋友有礼貌，让我行先，你唔好咁话佢”。

没想到港爸听到事主解释，不但没有为误会儿子感抱歉，更反驳指“我点教小朋友系我家事，唔到你理”。事主则指她并非想插手别人家事，“你家事我唔会理，我净系知佢一个好孩子，你唔好咁话佢”，惟港爸仍然无视事实，更恶言相向：“你都唔好咁嘅态度同我讲嘢，佢之前成日都系咁，唔跟住乜乜……”为免纠缠下去，她只好再次劝港爸“你唔好咁话佢啦”，然后继续回家，但途中她仍看到港爸“一路行一路再话个小朋友”。

事主事后有感而发，坦言分享事件的目的并非想批评港爸，“唔系批评人哋或者理会人哋嘅家事长远点教仔”，而是有感自己受惠于小朋友的善良，但对方礼让她后却无辜被爸爸责怪，认为家长仍未了解事实，理应先相信子女，“我知道我好难揾返你，所以我想借这平台对你讲一声‘多谢’”。

帖文引来大埔街坊讨论，不少人也大赞男童的行为，直指港爸应反省教育方式，“个小朋友值得接受直接嘅赞赏”、“个老豆把口死撑，因为佢误会咗个仔，但又唔忿气，死要面”、“有啲人永远觉得闹就系最有用的教仔方法，亦都唔会承认自己嘅错，唔接受批评，死要面，结果受苦的只会是小朋友，好无辜”、“做父母都要学识欣赏同鼓励小朋友，净系识闹会摧毁一个小朋友嘅成长”。