见阿女被男同学隔口罩锡面　港爸嬲爆辱骂对方外佣：点解唔睇紧佢

小朋友年纪小，玩得兴起时或未能注意与异性的距离。有港妈在网上发文，指儿子早前上画画班时隔着口罩亲吻女同学的面部，女童的父亲目击过程即感不满，当众质问并辱骂负责接送男童的外佣，令她委屈得哭了出来。港妈得知事件马上到画室了解，并代儿子向女童父亲道歉，但她批评对方以外佣出气的行为非常无礼，质疑对方有心羞辱姐姐。

该名港妈于facebook群组发文，讲述外佣姐姐当众被骂的经历。她指姐姐早前接送其儿子上画画班，到达画室时儿子见到同学一时兴奋，热情地隔着口罩亲吻了1名女同学的面部。女童父亲见状即感愤怒，“即刻喺走廊𠮶度捉住我工人姐姐狂闹5分钟，佢话点解唔睇紧我仔”。

被当众大骂的外佣向女童父亲解释，因画室当时人多，自己亦要照顾年幼妹妹，遂让男童自行排队进课室，惟对方并不理会一直狂骂。姐姐顿时感到委屈，之后更哭了出来，只好致电通知雇主，“我姐姐不停喊住同佢讲对唔住，佢就不停喺度闹我姐姐。画室外面仲有好多其他家长睇住成个情况”。

港妈得知事件即时到画室了解，主动为儿子的行为向女童父亲道歉，但她同时批评对方态度不妥，认为即使其儿子有错亦不应以外佣出气或发泄，甚至质疑对方有心羞辱姐姐，“佢凭咩羞辱我姐姐？连我成家人都唔敢大声闹工人姐姐更何况佢？”。她指事后姐姐心情非常难过，“同佢倾咗好耐偈，佢不停问我佢系唔系做错嘢”，大叹“有咩事不能够平心静气讲，而用一个不礼貌嘅态度而去对待一个姐姐？”。

帖文引来家长们讨论，不少人认为女童父亲反应过激，质疑他有意针对外佣，“小朋友有时唔识社交距离好平常，如果有日佢个女咀其他小朋友又点？同埋个爸爸当住小朋友面咁做，做晒坏榜样，希望佢个女唔好有样学样啦”、“女同学嘅爸爸本身人品有问题无教养，顺手揾个佢认为社会地位较低嘅人出气”。

不过也有人认为楼主儿子的确做出超越正常社交距离的行为，对方家长不满亦无可厚非，只能加以教育避免同类事件再次发生，“经一事长一智，而家唔系追究爸爸闹工人嘅时候，而系教好小朋友向人示好，应该系握手而唔系锡”。楼主其后亦回复指，“我会好好藉住呢个事情，好好教导工人姐姐点样处理咁样嘅事情，同埋小朋友方面亦都会教导佢同人有适当嘅距离”。