港女街上被阿叔非礼　感激获女途人帮忙　网民：多谢你有勇气报警

若不幸被非礼勿胆小怕事，要挺身将罪犯绳之以法！有港女于网上发文表示，日前在街上被阿叔非礼，当刻十分恐慌，不知如何是好，幸有女途人听到她大叫后，过来帮忙和支持报警，但来不及说声谢谢，女途人就已离开，她于帖文感激对方“好人一生平安”。

网民纷纷留言安慰和赞赏，“好勇敢，等呢啲X街唔好以为非礼好小事”、“心疼你，已经好叻，最后多谢你有勇气去报警”、“楼主好叻，帮你嘅女仔好型！”、“希望无人需要遇到呢啲情况，都希望大家见到有人遇到会伸出援手”。

该港女于Threads发文表示，“今日喺街俾人非礼，第一次反应得切报咗警”，警员翻查商场闭路电视画面后，证实该阿叔真的有摸到她，故拘捕阿叔。

港女街上被阿叔非礼　大叫获女途人帮忙

港女忆述，被非礼当刻她一大叫，立即有女途人过来帮忙和支持报警，“其实我𠮶阵劲panic唔知点做好”，当她打完电话报警，想和女途人说声“唔该”时，转身发现对方已离开。

港女感激：好人一生平安

港女希望该女途人看到她的帖文，“如果佢𠮶下唔停低，我最后应该又会鹌鹑由得个X街阿叔走咗”，她感激道“好人一生平安”。

港女其后补充，“平时个人几勇猛几恶，到呢啲时候都系会唔识反应，好似自己先系做错𠮶个咁”。她又说，现时明白为何平日受害者会选择不追究，“佢都只系揩到我一下， 啱啱犹豫咗好多次要唔要就咁算数”，发现除了要有勇气外，还要很空闲，“净系去警署落口供已经要等好耐，打乱晒成日嘅计划”。

网民：多谢你有勇气去报警

有网民分享曾被非礼的不幸经历，指出不是人人都有勇气和即时反应，“我试过两次喺街俾人非礼，两次都呆咗喺度唔识郁，继而喊，妳真系好叻好勇敢㗎啦”、“好勇敢，有次我喺商场怀疑俾人影裙底最后都系冇报警，甚至冇走去闹佢”。

不少网民留言安慰和为楼主打气，“做得好，错嘅唔系你，唔需要难过”、“加油，唔好惊，我相信好多人都愿意帮你，最紧要你要出声！”、“多谢你去咗报警，你做嘅事等其他人都安全咗啲，你增加咗佢对其他人犯罪嘅成本，好人一生平安”。