佐敦“阿叔撞短裙女”影片疯传！手部动作震撼网民：非礼 vs 无心

行路要考牌？本港网络疯传1段“阿叔撞后生女”影片，指佐敦街头有阿叔行路时撞到1名穿短裙后生女，且手背疑似触碰到女方大腿近臀部位置。拍摄影片港女怀疑是否有心“非礼”，“系我多心定系佢特登”。

影片引来网民激烈争议，有人认为阿叔有心“非礼”，但有更多人认为阿叔只是不小心碰撞，不应公审。也有人认为大叔与后生女都有问题，“个女仔行路唔好揿电话，有需要可以行埋一边揿。阿叔都唔应该撞人”。

这碰撞“有心”还是“无意”？有港女于6月15日（星期日）在社交平台Threads发布该段“阿叔撞后生女”影片，留言“系我多心定系佢特登？原本想影低偷接bf（男朋友）收工嘅一幕，意外影到呢下”。

阿叔撞短裙女　拍片者质疑非礼：系我多心定系佢特登？

影片见到，当时佐敦行人路人头涌涌，路中心有1名穿浅色连身超短裙年轻女子，在路中心边行边看手机，随后有1名穿橙色短袖上衣大叔急步斜向左方前进“撞开”短裙女，其间大叔左手膊头碰到女方膊头，而左手手背疑似碰到女方大腿近臀部位置。

碰撞后，阿叔未有停步，边走边回头向女方说了什么，女方则未见有特别反应。

网民争议：非礼断正 vs 无心碰撞

网民看过影片激烈争议阿叔是“有心”还是“无意”。有网民认为阿叔有心“非礼”，“成条路咁宽，唔识行左行右啲？咁多人唔撞，系要撞埋条女度？”、“疑似点1，阿叔右边好似条路好宽，有冇必要掂到咁埋个女仔？”、“我觉得阿叔隔篱大把位，其实无乜必要撞落个女仔度”、“都几明显有心啦”。

但有更多网民认为阿叔并非“非礼”，不应公审，“条片一开始影到阿叔系望向左边，无望到个女仔，佢撞完个女仔先转头望下个女仔，如果影片再向前有多几秒，就应该睇得到系咪有心撞埋去”、“手同膊头唔系水平一直线，而系手长期缩入中间做倒三角？以后啲人行路系咪要默认将成只手臂连膊头，好似肌肉萎缩咁缩埋个躯干咁行先至礼貌”、“睇图似用手背撞开个女仔”、“阿叔似冇心㖞，有心抽你水就唔会望返转头，阿叔𠮶下动作似想say sorry或者唔好意思之类嘅意思，纯粹个人推测”、“一个慢行睇电话，你又喺前面拍片阻住人，搞到阿叔焗住s形咁行，然后拎人上嚟公审？”、“我睇多次条片佢左右手都系冇力垂下，受到惯性下钟摆摆动，言下之意即系垂低手咁样掂到就系摸？即系我每日返工左手拎电话右手非礼唔同男人女人，亦都有唔少人非礼我？咁我应该坐咗好多次监啰”、“我觉得呢个世界真系太可怜，系咪要去到行行下街都会俾人告嘅地步”、“今时今日做男人都要好好保护自己”、“港女女权真可怕”。

也有人认为大叔与后生女都有问题，“个女仔行路唔好揿电话，有需要可以行埋一边揿。阿叔都唔应该撞人”、“有啲人完全系无距离感可能已成习惯。为了赶路，见嘢就撞埋去，而发梦𠮶啲亦惯了被撞，唔会觉得咩一回事”。惟有网民反驳，“一个二个嫌个女仔行得慢抵俾人撞膊头系咩事？你个膊头生咁低？心急差𠮶一两步需要伸只手出嚟？”。