谭仔姐姐“地拖拖手推车”！食客：救命呀想呕　谭仔这样回应

餐厅食店用地拖拖地板以外地方的事件层出不穷！有食客近日于谭仔云南米线旺角东MOKO新世纪广场分店用餐时，目睹有职员竟然用地拖拖疑似“送餐车”，大呻“救命呀，想呕”。

事件引来热议，有网民指出“我发觉而家啲食肆好兴系咁㖞，啲阿姐真系懒得就懒”、“一棍走天涯系列”、“拎块布抹真系咁难？”、“以前衰极都系用返条千年洗碗布抹”、“以前返餐厅够胆咁做一定俾经理铲上天花板”。

谭仔云南米线回复《香港01》查询称，涉事推车仅用于运送厨余垃圾，不涉及食物或餐具，但指涉事“实习生”清洁方式不符合公司指引，已对其作出严厉警告及再次安排培训，亦已彻底清洁推车。

该食客于Threads发文上载两张照片，可见他正于谭仔云南米线店内用餐，但眼前竟然有职员用地拖拖手推车，抹完下层再抹上层，让人瞬间食欲全无。

谭仔姐姐用地拖拖手推车

食客于帖文大呼，“有冇人话畀我听睇紧啲咩，我唔介意又平又污糟，但系可唔可以唔好喺我面前拖完地再拖落去平时送餐车度，救命呀想呕”。

网民斥：点解零卫生意识？

网民纷纷留言批评，“就系懒啰，贪方便”、“明明隔住支棍劲难出力”、“佢心谂又唔系佢食”、“虽然妈妈成日都教我餐厅嘅干净程度就系眼不见为干净，但系亲眼目睹，真系好想呕”、“咩事，点解佢哋好似零卫生意识？我系你就即唔食，再叫个经理出嚟问咩事”、“虽然只系一份侍应工作，但做嘢将心比己啦”、“其实食客食紧嘢就唔好清洁啦，一系闻到清洁剂沟食物味，一系佢扫地惊食埋啲尘”。

网民分享清洁工各种恶心清洁行为

不少网民更分享在医院、餐厅、公厕等，目击清洁工的恶心清洁行为，“我10年前喺香港嘅政府医院住过一个月，佢哋啲阿婶会用地拖先拖地，再用地拖拖抹全层病人坐嘅梳化”、“我去母婴健康院都系见佢哋拎地拖拖埋凳，讲紧都系呢一两年嘅事”、“之前出去食饭都见过有个阿姐拖完地板啲尿之后拖返个厕板，仲要系我望住佢都咁做，吓呆咗”、“好多清洁工都系咁，以前见过公厕阿姐攞个马桶刷撩完马桶再刷个厕所板，佢哋为求自己方便”。

谭仔云南米线：涉事推车仅用于运送厨余垃圾

谭仔云南米线回复《香港01》查询表示，对分店清洁作业流程及卫生水平设有严格标准，经初步调查，确认涉事推车仅用于运送厨余垃圾，并不涉及食物或餐具。

不过谭仔云南米线指出，该“兼职实习生”清洁方式不符合公司指引，谭仔对此深表歉意，已立即彻底清洁该分店相关推车，并对涉事兼职实习生作出严厉警告及再次安排培训。谭仔续说，将进一步加强各分店卫生巡查及前线员工培训，避免同类事件发生。