粉岭华明街市两𩠌饭$29　街坊闹得5旧肉好贵　网民：昏迷十几年？

揾食艰难，一个早餐都突破30元大关的年代，要找个“抵食”饭盒谈何容易！粉岭华明街市翻新后，昨日（16日）重新开幕，不少街坊都赶紧光顾，但有网民则在facebook群组抱怨29元两𩠌饭只有“5旧肉”，虽随饭盒送一包纸包饮品，但认为贵到“离晒大谱”，直言“呢间嘢无下次呀！”不过一众网民却纷纷议论29元饭盒份量应有多少，质疑“咁抵仲要闹？”，亦有人笑称“ 系咪喺医院昏迷咗十几年啱啱醒返？”，指楼主不知现今物价有多贵。

下载“香港01”App ，即睇城中热话：https://hk01.app.link/qIZYuEC5LO

有家庭主妇昨日在facebook群组“Fanling粉岭”发文，指趁着华明街市新开幕，也懒得煮饭就买了一个两𩠌饭试食，可是一打开饭盒却发现只得5块肉，盛惠29元，虽然送饮包饮品，但仍觉昂贵，“离晒大谱！不如斋白饭收我29蚊啦！”，更扬言不会再帮衬：“呢间嘢无下次呀！宁愿行过隔离街市帮衬无咁嬲！”

从楼主上载的照片可见，饭盒大格部分装满白饭，并有2只炸鸡翼和3件西柠鸡，小格则有酱汁。帖文一出随即引起热议，不少网民都认为楼主要求太高，质疑“29蚊有几多份量先正常”，直指“$29仲想点，畀成只鸡你好唔好？”、“睇字讲到咁，我仲以为系五粒肉，睇埋图啲肉都算大旧！$29包埋嘢饮仲唔抵呀？”、“现今系咁啦，你估以前$29有鸡鸭牛鱼羊菜汤加饮品呀，你瞓醒未呀！”
 

↓↓↓ 网民热议29蚊两𩠌饭贵唔贵 ↓↓↓

↓↓↓网民上载旧式报章广告抵死回复↓↓↓

有网民笑言楼主是帮店舖曲线宣传，“点解睇完我会好想食？”、“好抵食㖞，下次试”，又指抵过吃下午茶餐、车仔面了，另有人建议“食老麦啦，26蚊有6旧肉”。不过有网民就指价钱不贵，但睇相的确不吸引，“我都冇下次”，有人就分享其他街市抵食饭盒，指元朗同益街市有15元双拼烧味，湾仔亦有28元油鸡饭。