婆婆诊所晕倒获医生优先睇 自私港女投诉被打尖 后生仔妙语KO
医疗资源缺乏，医生要分缓急轻重来看症绝对是合情合理的事。有诊所助理护士网上发文称，日前遇到一位婆婆突然在诊所晕倒，医生随即检查她的情况，但其中一名女士竟抱怨婆婆“打尖”，又不断表现出极不耐烦，令同场的后生仔忍不住反驳她，“你讲够未呀？呢度唔系大陆呀！你要冇人性嘅你返大陆睇啦！”帖文引起网上热议，短短5小时已有超过3700人赞好，不少人都赞后生仔“好波”，又大骂女士毫无同理心。
下载“香港01”App ，即睇城中热话：https://hk01.app.link/qIZYuEC5LO
诊所助护“珍宝猪”在facebook专页“诊所低能奇观”发文，指近日遇到一位麻烦女病人，因当时诊所有几位病人正在轮候看医生，其中一位婆婆登记后坐下不久，突然整个人瘫软在椅子上，旁边的后生仔即大嗌：“医生！有人晕呀！”虽然助护上前拍拍婆婆时她仍有反应，但安全起见他们都随即推婆婆入医生房检查。
不过有名已登记的女士却感不满，问道：“医生几时睇得我呀？个阿婆好似唔系登记先㗎㖞。”后生仔帮口反驳：“你唔见阿婆晕㗎咩？催咩呀？”但女士仍坚持：“佢都冇嘢啦。”再次强调自己早过婆婆登记，后生仔忍不住再反驳：“你登记先过佢又点呀？你好人好者咁好气都唔可以畀阿婆睇先呀？”女士听后心有不甘，唯有以“万能金句”回应，“我唔系冇素质嘅人，我唔同你嘈”。
其后医生考虑到婆婆身体状况，叫了救护车送她入院。在等候救护车期间，婆婆一直在医生房内躺着，但女士开始不耐烦，不断问楼主“姑娘我仲要等几耐呀？”，又指“佢唔可以出嚟等㗎咩？霸住间房阻住我哋要睇医生嘅人”、“佢喺入面都冇咩嘢呀？我可唔可以入去睇医生呀？”，当女士翘起双手正想发烂渣时，后生仔再度出声：“你讲够未呀？呢度唔系大陆呀！你要冇人性嘅你返大陆睇啦！”一句完胜麻烦港女。
港女始终要“攞返个尾彩”，当婆婆上救护车后，轮到女士入医生房时，医生礼貌地向她表示歉意，女士竟回答：“知就好啦，下次唔好啦”令楼主忍不住暗讽一句，“下次你唔好病呀”。
女士夸张表现引起网上热议，有网民直斥女子没有同理心，“下次佢晕咗都冇人理佢”、“我想讲，有得拣，无人想用咁既方法打尖啰。真不怕他朝君体也相同啊！”、“冇人性嘅说话都讲得出”，另有人揶揄称“呢啲人千祈唔好老”。很多网民亦认为后生仔抵赞，“而家仲肯出声既人少之又少”、“后生仔又几有礼貌㖞！寸得嚟又忍到唔爆粗”。