极品港妈叫诊所护士带女如厕　称生出来已尽本份：仲要帮佢抆屎？

为人母亲生下子女已算尽本分？有护士发文指遇到极品港妈，对方带女儿求医，其间女儿想大便，没料港妈竟大声叫嚷要护士带女儿如厕。听到护士拒绝，港妈即指女儿出生后均由别人负责其日常生活，强调不愿帮女儿“抹PatPat”，“我已经生咗佢出嚟，做咗我应该做嘅本份”，护士决不退让，港妈即“发烂渣”，网民对此大表惊讶，直斥她非常离谱。

下载“香港01”App ，即睇城中热话：https://hk01.app.link/qIZYuEC5LO

诊所助护“珍宝猪”昨日（1日）于facebook专页“诊所低能奇观”发帖分享，指最近遇到一位港妈带女儿到诊所，登记后女孩表示想去大便，其母即大叫：“带我个女去厕所呀”，当时诊所内无人回答，港妈即走到她前面质问：“你听唔到我讲咩呀？”

助护指即时向港妈解释拿锁匙后可到外面使用洗手间，惟对方拒绝，“我唔会理呢啲嘢啰，我个工人今日放假呀”，再次提出要助护带其女去厕所。助护反问：“个女你嘅，你帮佢好正常呀”，港妈即指不愿帮女儿“抹PatPat”，超离谱回复令人生气。

该港妈更称“我已经生咗佢出嚟，做咗我应该做嘅本份”，自爆“佢出世到而家我都唔需要同佢换片冲凉，陪月又有工人又有，我对手冇掂过呢啲嘢，一次都冇”。

该港妈不停炮轰，坚持要求助护带女儿去厕所，“佢一阵喺度去咗嘅话，你买衫裤畀佢换呀？佢啲衫系咩牌子你知唔知呀？分分钟贵过你一日人工呀”。助护继续不为所动，港妈其后恐吓要向其老板投诉。

女童其后主动向母亲表示懂得去厕所，惟港妈却发晦气：“你唔准去呀！等工人返嚟先好去呀！”最后她也只好“死死地气”带女儿去厕所，结束闹剧。

帖文一出即引起网民热烈讨论，不少人都觉得难以置信，认为孩子最无辜，“个小朋友好可怜”、“呢啲咁嘅人都生仔女，真系世界未日，好在个女话识自理...”、“自己个女啲屎都嫌弃，学咩做人老母”。

有人认为事件太夸张，惟有网民即指其身边都有类似例子，“我识一个有钱女人都系咁”、“虽然无听过佢讲理由，但啲咁嘅阿妈，我真系识咗个”；亦有人指，事件中最厉害的是“无出场嘅工人姐姐”，“顶得住咁样嘅mom，仲要帮佢教识小朋友自理，直头要加人工啦！”。

（facebook专页“诊所低能奇观”）