21岁囝囝月入1万多　父索$6000家用多唔多？　网民：女都沟唔到

给多少家用是为人子女的世纪难题，金额没共识随时酿成家变。有男网民昨在社交网站发帖指21岁儿子正做学徒，月入1万多元，于是叫他给6000元家用，即占收入约六成，其子埋怨“人生无晒娱乐无钱使”。楼主询问其他网民，自己所索的家用金额是否合理。

下载“香港01”App ，即睇城中热话：https://hk01.app.link/l7U1Y7t5LO

有网民形容不合理，更有留言分析“一个月得返4000几，未计交通食饭，女都沟唔到，点结婚？”；但亦有人支持楼主，指“包食包住包打扫…唔满意咪自己搬出去啰，睇吓6000够唔够”。

该名男网民于周三（9月5日）在社交网站facebook专页“巴打丝打 Facebook Club”发帖，指“我个仔学徒21岁揾1万松啲，我叫佢畀6000蚊家用，合理吗？”，又覆述儿子回应指“畀完家用，人生无晒娱乐无钱使”。帖文引来共逾2200个“赞好”或“嬲嬲”等、逾2400个留言及超过130人分享。

有网民质疑楼主收6000元家用的目的，指“俾6000你，你点用先？另外你又有冇谂过你个仔够唔够用？咪咁自私啦”、“你要佢个6000用来做咩先？如果有合理用途，帮佢储起或者投资，就有道理，否则，完全无理由要比咁多你”。

亦有网民分析指“储钱、交通费、电话费、保险、食嘢，样样都系钱。6000真系好过份，唔系话唔畀而唔会畀咁多啰，畀咁多你，拎得去储又冇得去玩…”、“哗！咁多，自己个仔唔X使使？食饭搭车沟女都要钱啩”、“其实人工嘅三份之一已经好够啦！你个仔都要买吓衫见吓人，唔通叫佢好似机械人咁每日返工放工返屋企，冇朋友冇见识咁嘅生活你都唔想啦！”；更有网民反问：“佢10岁𠮶年，你有冇畀10万佢？”

更有与楼主儿子近似年纪的学徒指“畀5000，每个月仲要储钱同久唔久出街购物、上网买嘢，认真唔系好够使”。

但亦有网民支持楼主，指“养到咁大，包食包住包打扫，6000 ok啊。唔满意咪自己搬出去啰，睇吓6000够唔够？都咁大个人，仲乜都唔使负担，系害咗佢，你一蚊都唔收，佢又咪系个个月清袋？你个仔成年人，你要养到佢4张（意指40岁）？”；更有人指“出去租金水电食都唔只呢条数啦，咁大个人，唔通要个老豆老母老奉养你咩？”。

楼主再度解释“其实我都系帮个仔储钱，有咩问题？又唔系自己用晒佢”、“仔仔个个月使晒啲钱，不如我帮佢储，第时急需都有用”，而且“沟女讲感觉不要谈钱”，又称“我同个仔讲咗，结婚帮佢比晒所有费用”。

（facebook专页“巴打丝打 Facebook Club”）