搭港铁去拜年！父新衫被“𠝹开大窿”失数千元利是　港女诅咒贼人

【新年／蛇年／港铁／𠝹裤党】适逢农历新年，市民都会外出和亲朋好友拜年！不过有港女于社文平台发文，指大年初二（1月30日）与家人搭乘港铁出行前往拜年时，于车厢遇到小偷，父亲新衫被对方“𠝹开个大窿”，损失多封大利是，金额达数千元。楼主事后为父亲遭遇心痛，质疑“宜家经济真系差到咁样咩？”，同时诅咒偷利是贼人，“好人好物（者）新年流流偷嘢，真系祝呢啲偷嘢嘅人去屙X无厕纸”，并藉事件提醒大家出门定要小心保管财物。

有网民认为现今本港经济状况欠佳，市面上的确不时出现盗窃事件，“经济差，今时唔同往日”、“过年前后就会多咗人揾食，知个个都会袋多咗钱喺身”，故建议于人多挤迫地点要看管好财物，“财不可露眼最紧要”、“所以我永远放重要财物喺身体前方贴身袋好，绝对唔畀贼人有机可乘”、“通常条友黐得太贴（要）好小心，如可以行另一边”。

搭港铁去拜年　车厢遇小偷盗走数千元利是

“真心好嬲，宜家经济真系差到咁样咩？”，该港女在threads帐号图文并茂发帖，于年初二（30日）当天和家人搭乘港铁前往拜年，不过她父亲却不幸遭遇小偷，被偷走多封大利是，又指对方新衫被贼人“𠝹开个大窿”，损失金额达数千元。

衣服似被蓄意𠝹烂　“穿咗个大窿”

从楼主上传的照片可见，其父亲衣服的确是“穿咗个大窿”，目测亦似是被人蓄意𠝹开。楼主气愤不已，质疑“以前香港点会发生咁卑劣无耻嘅事”，并诅咒贼人“好人好物（者）新年流流偷嘢，真系祝呢啲偷嘢嘅人去屙X无厕纸”，同时提醒大家出门定要小心保管财物，强调“唔好睇趣（脆，threads）睇得太入迷！”。

网民叹本港经济差：过年前后就会多咗人揾食

有网民指本港经济状况欠佳，市面上的确不时出现盗窃事件，“经济差，今时唔同往日”、“过年前后就会多咗人揾食，知个个都会袋多咗钱喺身”、“唔止地铁，尖沙咀旺角𠮶啲条街劲多人嘅地方都越嚟越危险，上年年尾先喺尖沙咀俾人拉开袋嘅拉链偷AirPods”，故有留言认为贵重物品应要贴身保管，“所以我永远放重要财物喺身体前方贴身袋好，绝对唔畀贼人有机可乘”、“财不可露眼最紧要”。

有人狠斥贼人趁新年期间“出嚟揾食”，楼主对他的诅咒太轻手，“屙X无厕纸咁仁慈嘅你，畀着我会祝佢一世无X屙，俾佢偷晒啲衰运，嚟紧你哋一家人就会行大运了”、“如果钱唔系自己，最终佢会受孽”，并安慰楼主，“把刀利到咁，无俾佢𠝹亲就当破财挡灾”。

网民估计事件是“文雀”所为？

有人猜测事件或是文雀（扒手或小偷，静悄悄地偷走他人财物）所为，“小心呀，文雀好专业”、“香港一向都有，只系唔系发生喺你身上而唔知而已！”、“文雀无情无义无人性，记得之前就是有人识穿贼仔，（只）手揿住袋保不失，俾个贼用刀片直接𠝹面留劲长疤，但竟然逃去无踪”。不过有人觉得只是单纯贼仔所为，“好技术令人偷咗唔知以为跌咗𠮶啲先叫文雀 ，出到烂人哋衫裤𠮶啲不如去抢”。

（threads＠meomeowmiyalavi）